औषधी व्यवसायीको मृत्यु प्रकरण : लकडाउनमा प्रेमिसँग मिलेर श्रीमानको हत्या

Best Khabar Team | २०२६ पुष १७ गते बिहिबार


हत्या गरिएका औषधी व्यवसायी दुलाल ।

१८ मे, २०२०
विराटनगर । मोरङ्गको बिराटनगरमा आइतबार भएको एकजना औषधी व्यवसायीको हत्याको प्रमुख योजनाकार उनकी श्रीमती रहेको तथ्य सार्वजनिक भएको छ । पूर्वी नेपालको सुनसरी घर भएका व्यवसायी देवीप्रसाद दुलालको हत्यामा उनकी श्रीमती मिना श्रेष्ठ र उनका प्रेमी ब्रह्मदेव साहको प्रत्यक्ष संलग्नता रहेको प्रहरीको प्रारम्भिक अनुसन्धानले देखाएको छ ।

साहको घर सिराह जिल्ला रहेको बुझिएको छ । स्वर्गीय दुलालले सञ्चालन गर्दै आइरहेको मधुमारास्थित ‘माँ पाथीभरा फर्मा’का पूर्व कर्मचारी समेत रहेका साहले आफूलाई कामबाट निकालेकोमा दुलालसँग प्रतिशोध साँच्दै आएका थिए । साह र दुलालका श्रीमती श्रेष्ठबीच सोही पसलमा रहँदादेखि प्रेमसम्बन्ध झाँगिएको बताइएको छ । सो कुरा थाहा पाएपछि दुलाले साहलाई कामबाट निकालिएका थिए भने श्रीमतीलाई पनि सम्झाउँदै आएका थिए ।

श्रेष्ठले आफू र दुलालबीच सोही विषयमा विगत ५ महिनादेखि खटपट पर्दै आएको र प्रेमीको साथ लिएर श्रीमानको हत्या गरेको प्रहरीसँग प्रारम्भिक बयानमा स्वीकारेकी छन् । सुनसरीको इटहरी उपमहानगरपालिका–१२ खनार घर भएका दुलालको हिजो बिहान विराटनगरको मधुमारास्थित आफ्नै घरमा बेहोस हुनेगरी कुटपिट र घाँटी थिचेर हत्याको प्रयास गरेपछि उनै श्रीमतीले दुलाललाई अस्पतालमा उपचारका लागि लगेकी थिइन् । दुलाल सुतेको बेला पारेर साह र श्रेष्ठ मिलेर प्लाष्टिकको डोरीले घाँटी कसेर हत्या गरेको प्रहरीको प्रारम्भिक अनुसन्धानले देखाएको छ ।

हत्यामा संलग्न दुबै जनालाई प्रहरीले पक्राउ गरिसकेको र घटनाको विषयमा थप अनुसन्धान भैहेको प्रहरीको भनाई छ । दुलालको हत्यामा प्रयोग भएको डोरी र पञ्जा घर नजिकैको झाडीमा फालेको अवस्थामा प्रहरीले फेला पारेको छ । श्रीमती श्रेष्ठले श्रीमान् दुलाललाई ओछ्यानमै बेहोस अवस्थामा भेटिएको र उनी उच्च रक्तचापको विरामी रहेको भन्दै उपचारका लागि अस्पताल पु-याएकी थिइन् । तर दुलालको अस्पतालमा पुगेलगत्तै ज्यान गएको थियो । चिकित्सकले दुलालको मृत्यु अस्वाभाविक भएको भन्दै प्रहरीमा जानकारी गराएपछि घटना सार्वजनिक भएको हो ।

विगत चारवर्षदेखि दुलालकै औषधि पसलमा काम गर्ने साहको श्रेष्ठसँग प्रेम सम्बन्ध रहेको थाहा पाएपछि उनका श्रीमानले साहलाई ५ महिनाअघि कामबाट निकालिदिएका थिए । मृतक दुलाल र श्रेष्ठको ८ वर्षको छोरा रहेको बताइएको छ । घटनामा संलग्न साह र श्रेष्ठलाई प्रहरीले पक्राउ गरी थप अनुसन्धान अघि बढाएको छ ।



Comment from facebook



थप खबर पढ्नुहोस्
प्रधानमन्त्री ओलीको दोश्रोपटक मृगौला प्रत्यारोपण, स्वास्थ्यस्थिति सामान्य प्रधानमन्त्री ओलीको दोश्रोपटक मृगौला प्रत्यारोपण, स्वास्थ्यस्थिति सामान्य

२०७६ चैत्र २१ गते शुक्रबार

०४ मार्च, २०२० काठमाडौं । प्रधानमन्त्री केपी शर्मा ओलीको...

अन्नपूर्ण आधार शिविरमा हिमपहिरो : ४ विदेशी पर्यटकसहित ६ जनाको अवस्था अज्ञात अन्नपूर्ण आधार शिविरमा हिमपहिरो : ४ विदेशी पर्यटकसहित ६ जनाको अवस्था अज्ञात

२०२६ पुष १७ गते बिहिबार

१७ जनवरी, २०२०पोखरा । बहुचर्चित अन्नपूर्ण आधार शिविरमा गएको...

कोरोनाबाट विश्वभर ज्यान गुमाउनेको संख्या पौने ३ लाख नाघ्यो, करिब ४० लाख संक्रमित कोरोनाबाट विश्वभर ज्यान गुमाउनेको संख्या पौने ३ लाख नाघ्यो, करिब ४० लाख संक्रमित

२०७७ श्रावण २१ गते बुधबार

०८ मे, २०२०लिंकरोभर बेल्जियम । कोरोना अर्थात् कोभिड १९...

गायक कटुवालको पक्राउ नियोजित : संगीतकर्मी संघ गायक कटुवालको पक्राउ नियोजित : संगीतकर्मी संघ

२०२६ पुष १७ गते बिहिबार

१९ फेब्रुअरी, २०२०काठमाडौं । लोकदोहारी गायक तथा राष्ट्रिय संगीतकर्मी...

Top