Best Khabar Team | २०७७ जेठ ४ गते आइतबार

१७ मे, २०२०
काठमाडौं । सरकारले कोरोना भाइरस (कोभिड १९)को संक्रमण फैलन नदिनका लागि आवश्यक तयारीका लागि भन्दै लकडाउनको समय फेरि लम्बाएको छ । नेपाल सरकार मन्त्रीपरिषद्को आज साँझ बसेको बैठकले आगामी जेठ २० गतेसम्मका लागि लकडाउनको समय लम्ब्याउने निर्णय गरेको मन्त्रीपरिषद् स्रोतले जानकारी दिएको छ ।
यसअघि गएको चैत्र ५ गतेदेखि सरकारले देशभर लकडाउन घोषणा गरेको थियो । पछिल्लो पटक थप भएको लकडाउनको समयावधि सकिन ३० घण्टा भन्दा कम समय बाँकी हुँदा सरकारले थप १५ दिन लकडाउन बढाउने घोषणा गरेको हो । यसपटक सरकारले लकडाउनलाई थप कडाई गर्ने निर्णय गरेको छ । सरकारको यो निर्णयसँगै अब जेठ २० गतेसम्म काठमाडौं उपत्यकालगायत देशका प्राय सबै क्षेत्रमा लकडाउन हुने भएको छ ।

यद्यपि लकडाउन जारी रहेपछि अवस्था हेरेर कम जोखिम रहेका हिमाली जिल्लाको जनजीवन सहज बनाउन सकिने विषयमा पनि मन्त्रीपरिषद्मा छलफल भएको छ । यसअघि कोरोना नियन्त्रण उच्चस्तरीय समितिको बैठकले कम्तीमा १० दिन लकडाउन लम्ब्याउन सरकारलाई सुझाव दिएको थियो । सरकारले समितिको सुझाव र पछिल्लो घटनाक्रमलाई मध्यनजर गर्दै थप १५ दिन लकडाउन थप्ने निर्णय गरेको हो ।
यसबीचमा लकडाउन खुकुलो बनाउने तयारीमा सरकार जुटेको भएपनि कोरोना संक्रमित बढ्न थालेपछि र कोरोनाका कारण मानिसको ज्यान नै जाने घटना भएपछि लकडाउन थप्नुको विकल्प नदेखिएका कारण १५ दिन थप गरिएको मन्त्रीपरिषद् स्रोतको भनाई छ ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
क्यानडाका प्रधानमन्त्री पत्नीलाई कोरोनाको आशंका, प्रधानमन्त्री पनि ‘आइसोलेसनमा’
२०७६ फाल्गुन ३० गते शुक्रबार
१३ मार्च, २०२० टोरोन्टो । क्यानडाका प्रधानमन्त्री जस्टिन ट्रुडो...
चैत्र ७ गतेदेखि बैशाख ३ गतेसम्म युरोपलगायतका देशबाट नेपाल आउन नपाईने
२०७६ चैत्र ५ गते बुधबार
१८ मार्च, २०२० काठमाडौं । सरकारले पछिल्लो समयमा कोरोनाबाट...
बहराईन कोरोना : एउटै क्याम्पमा बसेका ९ नेपाली कामदारमा कोरोना पोजिटिभ
२०७६ चैत्र २२ गते शनिबार
०४ मार्च, २०२०सल्माबाद । बराईनमा कामको शिलशिलामा पुगेका थप...
२७ दिनमा कोरोनालाई जितिन् काठमाडौंकी युवतीले
२०७७ बैशाख ६ गते शनिबार
१८ अप्रिल, २०२०काठमाडैं । गत चैत्र ४ गते युरोपेली...
Top