६ महिनापछि खुल्यो लामो दुरीका सार्वजनिक यातयात

Best Khabar Team | २०२६ पुष १७ गते बिहिबार


१७ सेप्टेम्बर, २०२०
काठमाण्डौं । कोरोना भाइरस (कोभिड–१९) को संक्रमण लाई मध्यजनर गर्दै पूर्वसावधानीका लागि सरकारले लागू गरेको लकडाउनका कारण विगत ६ महिनादेखि बन्द रहेको लामो दुरीका सार्वजनिक सवारी साधन आजदेखि सञ्चालनमा आएका छन् ।

फाइल फोटो : नयाँबसपार्क, काठमाडौं ।

सरकारले गएको चैत्र ५ गते देशव्यापी रुपमा कोरोना संक्रमण रोक्न भन्दै लकडाउन गरेपछि चैत्र ११ गतेदेखि लामो दुरीका सवारी साधन सञ्चालन तथा आन्तरिक र बाह्य हवाई सेवा सञ्चालनमा रोक लगाएको थियो । तर कोरोना भाइरसका कारण गरिएको लकडाउनका कारण जनजीवन अस्तव्यस्त बनेपछि सरकारले साउन ८ गतेदेखि लकडाउन खुकुलो बनाएको थियो । लकडाउन खुकुलो गरेपछि लामो दुरीका सवारी साधन सञ्चालनमा आएको थियो ।

तर आज अर्थात् असोज १ गतेदेखि लागूहुने गरी सरकारले लामो दुरीमा चल्ने सवारी साधनहरुसमेत सञ्चालनमा ल्याउन दिने निर्णय गरेसँगै आजबाट लामो दुरीका गाडीहरु सञ्चालनमा आएका हुन् । कोरोना भाइरसको संक्रमण फैलन नदिन आवश्यक पर्ने सबैखाले सुरक्षा सावधानी अपनाएर आजदेखि सार्वजनिक सवारी साधन सञ्चालनमा ल्याइएको यातयात व्यवसायीहरुले बताएका छन् ।

लामो दुरीमा चल्ने सवारी साधनलाई ५० प्रतिशतसम्म बढी भाडा लिन पाउने गरी सिट संख्या भन्दा बढी यात्रु नराख्ने सर्तमान आजबाट सञ्चालनको अनुमति दिइएको हो । यात्रु तथा गाडीमा काम गर्ने चालक एवं सहचालकले अनिवार्यरुपमा माक्स तथा स्यानिटाईटरको प्रयोग गर्नुपर्ने व्यवस्था समेत लागू गरिएको छ । यस्तै आवश्यक सुरक्षा सावधानी अपनाइए नअपनाइएको बारे राजमार्गमा सुरक्षाकर्मीहरुले ठाउँ ठाउँमा चेकजाँच गर्ने व्यवस्था मिलाइएको छ ।

लामो समय यातयातका साधन सञ्चालनमा नआउँदा आर्थिक रुपमा आफूहरु मर्कामा परेको भन्दै यायतात व्यवसायी तथा मजदुरहरुले सुरक्षा सावधानी अपनाएर सवारी सञ्चालन गर्न सरकारसँग अनुरोध गर्दै आएका थिए ।



Comment from facebook



थप खबर पढ्नुहोस्
कर्णालीका थप दुई जिल्लामा देखियो कोरोना, संक्रमितको संख्या ५०७ पुग्यो कर्णालीका थप दुई जिल्लामा देखियो कोरोना, संक्रमितको संख्या ५०७ पुग्यो

२०२६ पुष १७ गते बिहिबार

२२ मे, २०२०बाँके । नेपालको कर्णाली प्रदेशका थप २...

धरौटीमा छुटिन् गायिका राउत धरौटीमा छुटिन् गायिका राउत

२०२६ पुष १७ गते बिहिबार

२८ जनवरी, २०२० काठमाडौं । जिल्ला प्रशासन कार्यालय काठमाडौंमा...

काठमाडौंको टोखा र बुढानिलकण्ठका ३ सहित थप ७२ मा कोरोना, संक्रमितको संख्या ६७५ पुग्यो काठमाडौंको टोखा र बुढानिलकण्ठका ३ सहित थप ७२ मा कोरोना, संक्रमितको संख्या ६७५ पुग्यो

२०२६ पुष १७ गते बिहिबार

२५ मे, २०२०काठमाडौं । देशको राजधानी काठमाडौंको टोखा नगरपालिकामा...

चलचित्र नायक अनमोल केसीविरुद्ध लाखौं ठगीको आरोपमा प्रहरीमा उजुरी चलचित्र नायक अनमोल केसीविरुद्ध लाखौं ठगीको आरोपमा प्रहरीमा उजुरी

२०२६ पुष १७ गते बिहिबार

२८ फेब्रुअरी, २०२० काठमाडौं । पछिल्लो समयमा नेपाली चलचित्रमा...

Top