फ्रान्स घुम्न आएका चिनियाँ पर्यटकको कोरोना भाइरसको संक्रमणबाट निधन

Best Khabar Team | २०२६ पुष १७ गते बिहिबार

१६ फेब्रुअरी, २०२०
पेरिस । फ्रान्सको राजधानी पेरिस घुम्न आएका एक चिनियाँ पर्यटकको कोरोना भाइरसका कारण ज्यान गएको छ । युरोपेली मुलुक फ्रान्सको पेरिस शहर घुम्न आएका चीनको हुबेई प्रान्तका ८० वर्षका ती चिनियाँ पर्यटक जनवरीको तेश्रो साता पेरिस अवतरण गरेका थिए । पेरिस आएलगत्तै उनमा कोरोनाको संक्रमण देखिएपछि उनलाई चिकित्सकहरुले विमानस्थलबाटै नियन्त्रणमा लिएर क्वारेन्टाइनमा राखेर विशेष निगरानीका साथ उपचार गराईरहेका थिए ।

तर उपचारकै क्रममा उनको हिजो निधन भएको फ्रान्स सरकारले जनाएको छ । फ्रान्सका स्वास्थ्य मन्त्री आनियास बिजाँका अनुसार २५ जनवरीबाट क्वारेन्टाइनमा राखिएका ती चिनियाँ नागरिक दिनप्रतिदिन कमजोर बन्दै गएका थिए । उपचारको क्रममा उनको हिजो अस्पतालमै निधन भएको हो । फ्रान्समा हाल ११ जना कोरोना संक्रमितको उपचार भै रहेको छ ।

चीनको हुपेई प्रान्तमा हालसम्म १५ सय जना भन्दा बढी संक्रमितको गै सकेको छ । हाल विश्वका करिब ३० देशमा कोरोनाको संक्रमण फैलिएको छ । स्मरणीय के छ भने कोरोना भाइरसका कारण युरोपमा मानिसको ज्यान गएको हालसम्ममै यो पहिलो घटना हो ।