अमेरिकामा प्रहरी यातनाबाट अश्वेत नागरिकको मृत्यु प्रकरण : टेलिभिजनमा प्रत्यक्ष प्रशारण गर्दैगर्दा पत्रकारको हातमा प्रहरीको हत्कडी (भिडियोसहित)

Best Khabar Team | २०२६ पुष १७ गते बिहिबार


प्रत्यक्ष प्रशारणमा रहेका सिएनएनका पत्रकार । जसलाई प्रहरीले प्रत्यक्ष प्रशारण गरिरहँदा हतकडी लगाएर नियन्त्रणमा लिएको थियो । तस्वीर साभार : इन्टरनेट ।

अमेरिकाको मिन्निसोटा राज्यमा एकजना अश्वेत नागरिकको प्रहरीको यातनाबाट मृत्यु भएको भन्दै अहिले सो राज्यमा व्यापक प्रदर्शन भै रहेको छ । गत सोमबार सामाजिक सञ्जाल तथा सञ्चारमाध्यममा सार्वजनिक भएको एउटा भिडियो र तस्वीरमा एकजना प्रहरी अधिकारी सडकमा एकजना अस्वेत नागरिकलाई सडकमा लडाएर घुँडाको सहायताले ती व्यक्तिको घाँटी थिचिरहेका देखिन्छन् । लामो समयसम्म घाँटीमा थिचेको कारण स्वासप्रश्वासमा समस्या भएर ४७ वर्षका जर्ज फ्यर्ड नामका सो व्यक्तिको मृत्यु भएको भएको बताइएको छ ।

घटनामा ज्यान गुमाएका अस्वेत नागरिक बाँया र उनलाई यातना दिँदै प्रहरी दायाँ । तस्वीर साभार : इन्टरनेट ।

अधिकारकर्मीहरुले घटनाको सत्यतथ्य छानबिन गर्नुपर्ने माग गर्दै आइरहेका छन् । घटनामा संलग्न ‘देरेक चाउभिन’ नामका ती प्रहरी अधिकारीलाई अहिले प्रहरीले नियन्त्रणमा लिएर घटनाको अनुसन्धान अघि बढाएको छ । गएको सोमबार स्थानीय पसलमा सामान किन्न जाने क्रममा जर्जले २० डलरको नक्कली नोट प्रयोग गरेको भन्दै पसलेले प्रहरीलाई खबर गरेपछि प्रहरी उनलाई नियन्त्रणमा लिन घटनास्थल पुगेको थियो ।

घटनापछि मृतकका आफन्त तथा अधिकारकर्मीहरुले अमेरिकाको मिन्निसोटालगायतका राज्यमा व्यापक प्रदर्शन गरिरहेका छन् । प्रदर्शनकारीहरुले स्थानीय मिनियापोलिस स्थित प्रहरी चौकीमा आगजनी गर्नुका साथै दर्जनौं गाडी तथा अन्य भौतिक संरचनाहरुमा पनि आगजनी गरिरहेका छन् । अस्वेत नागरिकहरुहरु अहिले पनि अमेरिकी सरकारले रंगभेद नीतिको शिकार भै रहेको भन्दै प्रदर्शनकारीहरुले दिनहुँ प्रदर्शन जारी राखेका छन् ।

उनलाई यातना दिँदै प्रहरी तस्वीर साभार : इन्टरनेट ।

उनीहरुले गरेको प्रदर्शन दिनदिनै उग्रबन्द गएको छ । सोही घटनालाई लिएर भएको प्रदर्शनको समाचार संकलनमा गएका सिएनएनका पत्रकार ओमार जिमिन्जेट्डस्ले घटाको प्रत्यक्ष प्रशारण गरिरहेको बेला प्रहरीले नियन्त्रणमा लिएको छ । हातमा टेलिभिजनको माइक समातेर प्रत्यक्ष प्रशारणमा जुटेका उनलाई कार्यक्षेत्रबाटै हातमा हत्कडी लगाएर प्रहरीले नियन्त्रणमा लिएको थियो । नियन्त्रणमा लिएको केही घण्टापछि उनलाई प्रहरीले मुक्त गराएको भएपनि नियन्त्रणमा लिनुको कारण भने खुलाएको छैन ।

यसपटक हामीले बेस्टखबर डटकमको बेस्ट भिडियो स्तम्भमा सिएनएनका उनै पत्रकारलाई प्रहरीले नियन्त्रणमा लिएको भिडियो समावेश गरेका छौं । प्रस्तुत भिडियो हामीले अमेरिकाबाट प्रशारण हुने सिएनएन टेलिभिजनको आधिकारिक बेवसाईबाट साभार गरेका हौं ।

भिडियो साभार : सिएनएन ।


Comment from facebook



थप खबर पढ्नुहोस्
युरोपबाट काठमाडौंं आएकी १९ वर्षकी युवतीमा भेटियो कोभिड–१९, टेकु अस्पतालमा उपचार हुँदै युरोपबाट काठमाडौंं आएकी १९ वर्षकी युवतीमा भेटियो कोभिड–१९, टेकु अस्पतालमा उपचार हुँदै

२०२६ पुष १७ गते बिहिबार

२३ मार्च, २०२०काठमाडौं । युरोपेली मुलुक फ्रान्सबाट नेपाल फर्किएकी...

‘काठमाण्डौं भ्याली’मा लकडाउन कडा पारियो, सडक गल्लीमा निस्के पक्राउ गरिने, हिँडेर समेत काठमाडौं आउन नपाईने ‘काठमाण्डौं भ्याली’मा लकडाउन कडा पारियो, सडक गल्लीमा निस्के पक्राउ गरिने, हिँडेर समेत काठमाडौं आउन नपाईने

२०२६ पुष १७ गते बिहिबार

१५ मे, २०२०काठमाडौं । कोरोना (कोभिड१९) को संक्रमणको जोखिम...

३० दिनमा जिते बेलायती प्रधानमन्त्रीले कोरोनालाई, भोलिदेखि काममा फर्कँदै ३० दिनमा जिते बेलायती प्रधानमन्त्रीले कोरोनालाई, भोलिदेखि काममा फर्कँदै

२०२६ पुष १७ गते बिहिबार

२६ अप्रिल, २०२०वेस्टह्याम । गत मार्च २७ का दिन...

‘युद्धकालमा’ छाडिएको बम पड्कँदा रोल्पामा ४ बालबालिकाको मृत्यु ‘युद्धकालमा’ छाडिएको बम पड्कँदा रोल्पामा ४ बालबालिकाको मृत्यु

२०२६ पुष १७ गते बिहिबार

३० अप्रिल, २०२०लिवाङ्ग । युद्दकालमा जमिनमा छाडिएको बम विस्फोट...

Top