बेलायतमा कोरोना : लण्डनमा फेरि अर्का नेपालीको निधन, मृतक नेपालीको संख्या ९ पुग्यो

Best Khabar Team | २०७७ बैशाख ३ गते बुधबार

१५ अप्रिल, २०२०
साउथइस्ट । बेलायतमा कोरोनाको संक्रमणबाट अर्का एक नेपालीले पनि ज्यान गुमाएका छन् । बेलायतको साउथइस्टमा बस्ने पूर्व भारतीय सैनिक लक्ष्मण श्रेष्ठको कोरोनाका कारण आज बिहान निधन भएको अस्पतालले जनाएको छ ।

उनी कोरोनाबाट बेलायतमा ज्यान गुमाउने नबौं नेपाली हुन् । यसअघि ८ जनाले कोरोनाकै कारण ज्यान गुमाई सकेका छन् । स्याङ्गजाको पुतलीबजार नगरपालिका स्थायी घर भै परिवारसहित बेलायतमा बस्दै आएका ५८ वर्षका लक्ष्मण श्रेष्ठको कोरोनाका संक्रमणमा परी आज बिहान लण्डनको गाईज्अ स्पतालमा निधन भएको उनको पारिवारिक स्रोतले जानकारी दिएको छ ।

विगत दुई साताअघि सामान्य ज्वरो आएर घरमै क्वारेन्टाइनमा बसिरहेका श्रेष्ठलाई केहीदिन अघि एक्कासी स्वासप्रश्वासमा अप्ठेरो भएपछि एम्बुलेन्समा राखेर अस्पताल पु-याइएको थियो । तर अस्पतालमा उपचार गराउने क्रममा उनमा कोरोना पुष्टि भएपछि विशेष निगरानीका साथ उपचार गरिएको भए पनि उनलाई बचाउन नसकेको अस्पतालको भनाई छ । उनको आज बिहान आज बिहान निधन भएको हो ।

श्रेष्ठको निधन भएपछि उनको परिवारमा रहेका तीन छोरी एक छोरा र उनकी श्रीमतीलाई पनि आइसोलेसनमा राखेर उपचार अघि बढाईको छ । श्रेष्ठ बेलायतमा ज्यान गुमाउने सातौं गोर्खा सैनिक हुन् । बेलायतमा हालसम्म कोरोनाका कारण १२ हजार ८ सय ८६ जनाको ज्यान गै सकेको छ ।