hi himalaya nepal

युरोपमा पहिलोपटक स्विट्जरल्याण्डद्वारा नागरिकमा कोरोना भ्याक्सिन लगाउन शुरु

Best Khabar Team | २०७७ पुष ८ गते बुधबार


२३ डिसेम्बर, २०२०
जुरिच, स्विट्जरल्याण्ड । युरोपमा पहिलोपटक स्विट्जरल्याण्डले आफ्ना नागरिकहरुलाई कोरोना भाइरस विरुद्धको भ्याक्सिन लगाउन शुरु गरेको छ । आज डिसेम्बर २३ तारिखका दिन यहाँको लुसेर्न नामक शहरकी एक ९० वर्षकी बृद्धालाई कोरोना भाइरस विरुद्धको खोपको पहिलो डोज लगाएर औपचारिक रुपमा आम नागरिकमा खोप लगाउने अभियान शुरु गरिएको हो ।

अब जनावरी४ तारिखपछि आम नागरिकमा बृहत्रुपमा कोरोना भ्याक्सिन लगाउन शुरु गरिने यहाँबाट प्रकाशित हुने ‘दि लोकल डट सिएच’ले आफ्नो अनलाईन संस्करणमा उल्लेख गरेको छ । युरोपमा कृश्चियन धर्मावलम्बीहरुको महान चाड क्रिशमस तथा अँग्रेजी नयाँवर्ष एक साताको बीचमा परेका कारण र अधिकांश स्थानमा सार्वजनिक विदा हुने कारणले जनवरीको पहिलो साताबाट मात्रै खोप आम नागरिकमा पु-याउने स्विट्जरल्याण्ड सरकारको योजना रहेको छ । यसअघि पूर्व युरोपेली युनियन सम्बद्ध राष्ट्र बेलायतले पहिलोपटक कोरोना भाइरस विरुद्धको खोप आम नागरिकमा लगाउन शुरु गरेको थियो । यस्तै अमेरिका तथा रुसले पनि आफ्ना नागरिकहरुलाई कोरोना भाइरस विरुद्धको खोप लगाउन शुरु गरिसकेका छन् । तर युरोपमा पहिलो पटक स्विट्जरल्याण्डले आम नागरिकमा खोप अभियान शुरु गरेको हो ।

‘स्विसमेडिक’ नामक कम्पनीले यहाँको सरकारको अनुमति लिएर आम नागरिकमा खोप लगाउने जिम्मेवारी पाएको छ भने जर्मनी र अमेरिकी कम्पनीले निर्माण गरेको खोप नै स्वीट्जरल्याण्डमा प्रयोगम आएको हो । यसअघि अमेरिकी कम्पनी फाइजर र जर्मनीको बायोएन टेकले संयुक्त रुपमा निर्माण गरेको खोप हालसम्म बजारमा आएका भन्दा बढी प्रभावकारी र विश्वसनीय रहेको भन्दै विश्व स्वास्थ्य संगठनलगायत नियमक निकायहरुले यसलाई प्रयोग गर्न अनुमति प्रदान गरेको थियो । यो खोप ९५ सम्म प्रभावकारी रहेको विज्ञहरुले बताउँदै आएका छन् । स्विट्जरल्याण्ड सरकारले शुरुमा १० लाख नागरिकलाई यो खोप लगाउने योजना बनाएपनि त्यसमा प्राथमिकताको सूची निर्माण गरेको छ ।

खोप शुरुमा बयोबृद्ध, विरामी तथा अग्रमोर्चामा खटिएका स्वास्थ्य सेवाका कर्मचारीहरुलाई लगाईने बताइएको छ । त्यसपछि आवश्यकता अनुसार जोखिमपूर्ण समूहको पहिचान गरी विस्तारै आम नागरिकहरुलाई समेत खोपको उपलब्धता गराईने छ । यहाँको सरकारले सबै नागरिकहरुलाई निशुल्क रुपमा खोप उपलब्ध गराउने जनाएको छ । स्वीट्रल्याण्डमा करिब १ करोड खोपहरु अर्डर गरिएको बताइएको छ । युरोपका अन्य देशहरुले पनि डिसेम्बर २७ देखि कोरोना विरुद्धको भ्याक्सिन लगाउन शुरु गर्ने तयारी गरेका छन् ।



Comment from facebook



थप खबर पढ्नुहोस्
चौतर्फी दबाबपछि कालापानी क्षेत्रमा सशस्त्र प्रहरी पोस्ट स्थापना चौतर्फी दबाबपछि कालापानी क्षेत्रमा सशस्त्र प्रहरी पोस्ट स्थापना

२०७७ बैशाख ३१ गते बुधबार

१३ मे, २०२०खलंगा । भारतले नेपालीको सिमावर्ती क्षेत्र दार्चुलामा...

नेकपाका नेता पौडेल भन्छन् : ‘एमसीसी संसदबाट पारित हुन्छ, प्रधानमन्त्री समेत सकारात्मक हुनुहुन्छ’ नेकपाका नेता पौडेल भन्छन् : ‘एमसीसी संसदबाट पारित हुन्छ, प्रधानमन्त्री समेत सकारात्मक हुनुहुन्छ’

२०७६ माघ ७ गते मंगलबार

२१ जनवरी, २०२०काठमाडौं । सत्तारुढ दल नेपाल कम्युनिष्ट पार्टी...

यातयात व्यवस्था विभाग बुटबलका तत्कालीन प्रमुख र प्रहरी इन्स्पेक्टर विरुद्ध भ्रष्टाचार मुद्दा यातयात व्यवस्था विभाग बुटबलका तत्कालीन प्रमुख र प्रहरी इन्स्पेक्टर विरुद्ध भ्रष्टाचार मुद्दा

२०७६ पुष ११ गते शुक्रबार

२७ डिसेम्बर, २०१९ गोलपार्क । सवारीसाधनको ट्रायल फेल भएका...

अमेरिकामा पनि फैलँदै कोरोना, वासिंटनमा मात्रै ६ जनाको मृत्य, ७ गम्भीर अमेरिकामा पनि फैलँदै कोरोना, वासिंटनमा मात्रै ६ जनाको मृत्य, ७ गम्भीर

२०७६ फाल्गुन १९ गते सोमबार

०२ मार्च, २०२० न्यूर्योक । अमेरिकामा पछिल्लो ७२ घण्टायता...

Top