कुबेत दुर्घटना अपडेट : मृतक ४ र घाइते २ नेपालीको सनाखत, २ मृतकको अझै नाम खुलेन

Best Khabar Team | २०७६ फाल्गुन १ गते बिहिबार

१३ फेब्रुअरी, २०२०
कुबेत । कुवेतमा बालुवाको ढिस्कोले पुरिएर ज्यान गुमाउने ६ जना नेपालीमध्ये ४ जनाको सनाखत भएको छ । कुवेतस्थित नेपाली दुतावासले गराएको जानकारी अनुसार सनाखत भएका चार नेपालीमा नेपालको स्थायी घर पाल्पा भएका एकबहादुर गाहा, सिराह घर भएका गंगाराम चौधरी, ताप्लेजुङ्का बसन्त गुरुङ्ग र दाङ्गका श्याम नारायण चौधरी रहेका छन् ।

मृतक ६ जना मध्ये बाँकी दुई जनाको अझै सनाखत हुन सकेको छैन । कुवेतस्थित नेपाली राजदूतावासले दिएको जानकारी अनुसार घाइतेमध्ये धर्मेन्द्रकुमार शाहको कुवेतस्थित जाहरा अस्पतालमा उपचार भै रहेको छ । यस्तै अर्का घाइते मनोरथ मण्डल भने सामान्य उपचार पछि घर फर्केका छन् ।

स्थानीय सडकमा बालुवाको ढिस्कोमुनि कामगर्ने क्रममा एक्कासी बालुवाको ढिस्को खस्दा उनीहरुको घटनास्थलमै ज्यान गएको थियो । सो दुर्घटनामा केही भारतीय र चिनियाँ नागरिक पनि घाइते भएका छन् । घाइतेहरुको स्थानीय अस्पतालमा उपचार भै रहेको छ । प्रहरीले घटनाको विषयमा गहन ढंगले अनुसन्धान अघि बढाएको छ ।