Best Khabar Team | २०७७ असार २४ गते बुधबार
०७ अगस्ट, २०२०
काठमाडौं । कोरोना भाइरसको संक्रमणमा परी उपत्यकाको ललितपुर र धरानमा थप २ जनाको ज्यान गएको छ । काठमाडौं उपत्यकाभित्र पर्ने ललितपुरको पाटन अस्पतालमा उपचारको क्रममा रहेका एक पुरुषको आज बिहान निधन भएको हो ।
केही समयअघि उनलाई स्वास्थ्यमा समस्या देखिएपछि बीरगञ्जबाट ल्याएर ललितपुरकै एक निजी अस्पतालमा उपचारार्थ भर्ना गरिएको थियो । तर गएको शनिबार उनमा कोरोना पुष्टि भएपछि पाटन अस्पताल लगिएको थियो । उपचारका क्रममा उनमा कोरोना संक्रमण पुष्टि भएको अस्पतालले जनाएको छ ।
उनमा अन्य केही दीर्घखालको स्वास्थ्य समस्याहरु समेत देखिएको अस्पतालले जनाएको छ । यसैबीच सिराहका एकजना कोरोना संक्रमितको गएराति उपचारका क्रममा धरानमा ज्यान गएको छ । सिराहको गोलबजार स्थायी घर भएका २३ वर्षका एक युवकको सुनसरीको धरानस्थित बिपी कोइराला स्वास्थ्य बिज्ञान प्रतिष्ठानमा उपचारको क्रममा निधन भएको अस्पतालले जनाएको छ । मृगौलासम्बन्धी समस्याका कारण उनी केही समय अघि अस्पताल भर्ना भएका थिए । पछि उनमा उनमा कोरोना संक्रमण समेत देखिएको थियो ।
योसँगै नेपालमा कोरोनाका कारण ज्यान गुमाउनेको संख्या ६७ पुगेको छ । यस्तै हालसम्म संक्रमितको संख्या २१ हजार ७ सय नाघेको छ भने करिब १५ हजार ४ सय जना उपचारपछि घर फर्केका छन् ।
२०७७ श्रावण १८ गते आइतबार
०८ फेब्रुअरी, २०२० काठमाडौं । राष्ट्रिय प्रजातन्त्र पार्टीका अध्यक्ष...
२०७७ मंशिर २० गते शनिबार
१२ मे, २०२०काठमाडौं । सरकारले कोरोना भाइरस (कोभिड १९)...
२०२६ पुष १७ गते बिहिबार
२१ अप्रिल, २०२०काठमाडौं । नेपालमा कोरोना संक्रमितको संख्या ४२...
२०२६ पुष १७ गते बिहिबार
१३ डिसेम्बर, २०१९ काठमाडौै बाल्यावस्थामा तस्करीमा परी उद्धार भई...
Top