यूएई र अष्ट्रेलियामा गरी ३ नेपालीमा कोरोनाको संक्रमण

Best Khabar Team | २०७६ फाल्गुन २६ गते सोमबार

०९ मार्च, २०२०
दोहा । संयुक्त अरव इमिरेट्स (युएई) र अष्ट्रेलियामा गरी हालसम्म विश्वभर रहेका तीन जना नेपालीमा नोबल कोरोना भाईरस (कोभिड १९) को संक्रमण भेटिएको पुष्टि भएको छ । यूएईका सञ्चारमाध्यमहरुले उल्लेख गरेको समाचार अनुसार त्यहाँ हालसम्म ६० जनामा कोरोनाको संक्रमण देखिएको छ ।

जसमा २ जना नेपाली रहेका छन् । उनीहरु कामका लागि त्यहाँ पुगेका नेपालीहरु भएको र कोरोनाको संक्रमण देखिन वित्तिकै आइसोलेसनमा राखेर उपचार थालिएको छ । अन्य संक्रमितमा भारत, बंगलादेश, रुस, इटली र यूएईकै नागरिकहरु रहेको बताइएको छ । कोरोना संक्रमित नेपालीहरुको परिचय खुलाईको छैन । यसैबीच अष्ट्रोलियामा पनि एक नेपालीमा कोरोनाको संक्रमण भएको पुष्टि भएको छ ।

स्थानीय तास्मानिया राज्यको होबार्टमा बस्दै आएका नेपाली विद्यार्थीमा कोरोनाको संक्रमण भेटिएको छ । उनलाई अहिले क्वारेन्टाइनमा राखेर उपचार थालिएको छ । उनीसँगै सम्पर्कमा रहेका अरु ४ जनालाई पनि चिकित्सकहरुको निगरानीमा राखेर उपचार अघि बढाईको छ । उनको अवस्था सामान्य रहेको छ । उनी केही समयअघि नेपालबाट अष्ट्रेलिया पुगेका थिए ।

Comment from facebook