यी अभागी डाक्टर, जसले दिए कोरोना बारे पहिलो जानकारी, उनैलाई लग्यो कोरोनाले…

Best Khabar Team | २०७६ माघ २३ गते बिहिबार

०६ फेब्रुअरी, २०२०
बेइजिङ्ग । ३ महिनाअघिसम्म कोरोना भाईरसको बारेमा विश्वबजारमा खासै चर्चा परिचर्चा थिएन । प्राणघातक रोगको रुपमा परिचित कोरोनाले अहिलेसम्म झण्डै ६ सय जनाको ज्यान लिइसकेको छ भने हजारौंमा संक्रमण देखिएको छ ।

यस्तो प्राणघातक महामारीको रुपमा फैलने कोरोनाको बारेमा पहिलोपटक खुलासा गर्ने को होलान् ? सबैको मनमा प्रश्न आउनसक्छ । हो उनी थिए चीनका एक चिकित्सक ली वेनलियांग । जसले सन् २०१९ को डिसेम्बर महिनाको पहिलो हप्ता सार्सजस्तै खतरनाक रोगको प्रकोप फैलनसक्ने भन्दै सबैलाई सावधानी समेत गराउँदै आएका थिए ।

शुरुमा उनले कोरोना भाइरसको बारेमा सचेतना फैलाउने नाममा समाजलाई आतंकित बनाएको भन्दै प्रहरीले पक्राउ गरी एउटा कागजमा हस्ताक्षर गराएर छाडेको थियो । तर त्यसको केही समयअघि अर्थात् २९ दिनअघि कोरोनाको संक्रमणबाट उनी विरामी परे र अस्पतालमा उपचारार्थ भर्ना भए । तर उनले कोरोनालाई जित्न सकेनन् र सबैलाई सचेत बनाउँदै आफू भने ब्रह्हलिन हुन पुगे ।

विश्वभरका करोडौं मानिसलाई सचेत गराउन सफल उनै अभागी चिकित्सकको नाम हो ली वेनलियांग, उनको आज निधन भएको अन्र्तराष्ट्रिय सञ्चारमाध्यमले जानकारी दिएको छ । चीनमा कोरोना भाइरसका कारण चिकित्सकको मृत्यु भएको यो दोश्रो घटना हो । यसअघि पनि एक चिकित्सकको उपचारको क्रममा कोरोना संक्रमणकै कारण ज्यान गै सकेको छ ।

Comment from facebook