क्वात्रालाई राजदूतका रुपमा नेपाल पठाउने तयारी

Best Khabar Team | २०७६ माघ १ गते बुधबार

१५ जनवरी, २०२०
नयाँदिल्ली । भारतले नेपालका लागि नयाँ राजदूतमा विनयमोहन क्वात्रालाई पठाउने तयारी गरेको छ । यसअघि नेपालका लागि राजदूत मञ्जिवसिंह पुरीको कार्यकाल सकिएपछि नयाँ राजदूत नियुक्तीको लागि भारतले क्वात्राको नाममा लगभग सहमति जनाएको छ । क्वात्रा हाल पेरिसमा छन् ।

फ्रान्सका लागि भारतीय राजदूतका रुपमा कार्यरत क्वात्रा ३२ वर्षअघि परराष्ट्रसेवामा प्रवेश गरेका थिए । भारतीय सञ्चारमाध्यमका अनुसार उनी भारतको व्यापार, अर्थ व्यवस्था र वृत्त व्युरोका जानकार मानिन्छन् । भारतीय पूर्वराज पुरीको कार्यकाल सकिएपछि क्वात्राको नाम राजदूतमा प्रस्ताव गरिएको स्रोतको दाबी छ । उनले यसै महिनाको अन्तिमतिरबाट आफ्नो कार्यकाल सम्हाल्ने छन् ।