Best Khabar Team | २०७७ श्रावण ९ गते शुक्रबार
२४ जुलाई, २०२०
काठमाडौं । काठमाण्डौंको सितापाईलामा हिजो साँझ एक युवतीमाथि तेजाब (एसिड) आक्रमणमा संलग्न २ जनालाई प्रहरीले पक्राउ गरेको छ । पक्राउ पर्नेमा एकजना भारतीय र एक नेपाली नागरिक रहेका छन् । पक्राउ परेकाहरुले दिएको बयानका आधारमा युवतीले प्रेम प्रस्ताव अस्वीकार गरेको बहानामा अभियुक्तहरुले तेजाब आक्रमण गरेको प्रहरीले जनाएको छ ।

पक्राउ पर्नेमा भारतका मुन्ना मोहमम्द र रौतहटका मोहम्मद आलम रहेका छन् । मुन्ना काठमाडौंको डल्लुमा कालीगढको रुपमा कार्यरत रहेको पनि प्रहरीले जनाएको छ । घटनास्थलमा रहेको सिसिटिभी क्यामेराको सहायतामा आक्रमणकारीहरुलाई पक्राउ गरिएको प्रहरीको भनाई छ । हिजो साँझ ओखलढुंगाकी पवित्रा कार्कीमाथि काठमाडौंको सितापाइलामा मोहमम्दकै निर्देशनमा भारतीय नागरिक मुन्नाले एसिड हानेको प्रहरीको भनाई छ ।
प्रहरीले उनीहरुलाई पक्राउ गरेसँगै आज सार्वजनिक गरेको छ । रक्सीको बोतलमा एसिड भरेर मुन्नाले दहि किन्न सितापाईलातर्फ जाँदै गरेको बेला कार्कीमाथि आक्रमण गरेको प्रहरी बयानमा बताएका छन् । आक्रमणकारीलाई प्रहरीले नियन्त्रणमा लिएर कारबाहीको प्रक्रिया अघि बढाएको छ भने घाइते युवतीलाई अहिले काठमाडौंको कीर्तिपुरमा उपचारार्थ भर्ना गरिएको छ ।
घटनाको मुख्य योजनाकार मोहम्मदले ती युवतीसँग प्रेम प्रस्ताव राखेको र ती युवतिले आफ्नो अर्कै केटासँग प्रेमसम्बन्ध रहेको बताएपछि मोहम्मदले घटनाको योजना बनाएका थिए । मोहम्मद र युवतीबीच केही समययता चिनजान रहेको बुझिएको छ ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
कोरोनाको विश्वव्यापी कहर : मृतकको संख्या २ लाख ५० हजार नाघ्यो
२०७७ बैशाख २२ गते सोमबार
०४ मे, २०२०लिंकरोभर, बेल्जियम । सन् २०१९ को डिसेम्बरको...
अमेरिकामा बर्दीमै रहेका प्रहरी अधिकारीमाथि गोली प्रहार, एक गम्भीर घाइते
२०७६ माघ २६ गते आइतबार
०९ फेब्रुअरी, २०२० न्यूर्योक । अमेरिकाको न्यूर्योकमा आज साँझ...
हटाईँदै होर्डिङ्गबोर्ड, फेरिँदै काठमाडौंको मुहार
२०७६ पुष ११ गते शुक्रबार
२७ डिसेम्बर, २०१९ काठमाडौं । काठमाडौं उपत्यकाको सौन्दन्य छोप्नका...
देशभरबाट ५ जना कोरोना संक्रमण निको भएर घर फर्किए
२०७७ बैशाख ९ गते मंगलबार
२१ अप्रिल, २०२०काठमाडौं । नेपालमा कोरोना संक्रमणमा परी निको...
Top