नेपालमा भूकम्पको धक्का : धादिङ्को सुनौलाबजार केन्द्रबिन्दु

Best Khabar Team | २०७७ जेठ १७ गते शनिबार

३० मे, २०२०
सल्यानकोट, धादिङ्। धादिङ्लाई केन्द्रबिन्दु बनाएर आज राति भूकम्प गएको छ । राष्ट्रिय भूकम्प मापन केन्द्रका अनुसार प्रदेश नम्बर ३ मा पर्ने धादिङ्ग जिल्लाको निलकण्ठ नगरपालिकास्थित सुनौलाबजारलाई केन्द्रबिन्दु बनाएर सो भूकम्प गएको हो । भूकम्प राती ९ बजेर ३६ मिनेट जाँदा गएको थियो ।

भूकम्प ४ दशमलव ८ रेक्टर स्केलको भएको राष्ट्रिय भूकम्प मापन केन्द्रले जनाएको छ । आजको भूकम्प २०७२ साल बैशाख १२ गते गएको भूकम्पकै पराकम्पन भएको राष्ट्रिय भूकम्प मापन केन्द्रले जानकारी दिएको छ । भूकम्पको धक्का काठमाडौं, नुवाकोट, गोर्खा, र चितवनका केही भागसम्म अनुभव गरिएको स्थानीय वासिन्दाले बताएका छन् ।

Comment from facebook