सिन्धुपाल्चोकमा भीषण पहिरो : ३० घरमाथि पहिरो खस्यो, कम्तीमा ३ दर्जन स्थानीय वेपत्ता

Best Khabar Team | २०७७ श्रावण ३० गते शुक्रबार

१४ अगस्ट, २०२०
बाह्रबिसे, सिन्धुपाल्चोक । अविरल वर्षापछि आएको पहिरोमा परी सिन्धुपाल्चोकको जुगल गाउँपालिकाको लिदीमा एकै गाउँका ३० वटा घर पुरिएको छ । आज बिहान ६ बजेतिर स्थानीय लिदी गाउँ माथिको डाँडैसमेत खसेको पहिरोमा परी वडा नम्बर २ का ३० घर पुरेको हो । पहिरोमा परी अहिलेसम्म ३६ जना वेपत्ता भएको बताएको छ ।

घर वास्तविक विवरण भने प्राप्त हुन सकेको छैन । घटनास्थलमामा सुख्खा पहिरो खसिरहेको कारण उद्दारमा कठिनाई भै रहेको बताइएको छ । अहिले घटनास्थलमा प्रहरी, स्थानीय वासिन्दालगायतको टोलीले राहत तथा उद्दारका लागि कोशिष जारी राखेको छ । अहिलेसम्म कतिजना हराएका हुन् भन्ने वास्तविक तथ्यांक खुल्न सकेको छैन । घटनास्थलमा काठमाडौंबाट सभामुख नेतृत्वको टोली पनि हेलिकोप्टरमा आइपुगेका छन् ।

पहिरोमा पुरिएर घाइते भएकाहरुमध्ये ५ जनालाई उद्दार गरी उपचारका लागि जिल्ला अस्पताल र काठमाडौं पठाइएको छ ।

Comment from facebook