रौतहटका ४ नगरपालिकामा २२ जना कोरोना संक्रमित भेटिए, ३ जना बालबालिका

Best Khabar Team | २०२६ पुष १७ गते बिहिबार

२६ मे, २०२०
चन्द्रनिगाहपुर । रौतहटमा आज थप २२ जनामा कोराना संक्रमित भेटिएका छन् । जिल्ला जनस्वास्थ्य कार्यालयका अनुसार जिल्लाका ४ वटा नगरपालिकाका थप २२ जनामा कोरोना संक्रमण देखिएको हो । जिल्लाको गौर, देवाही गोनाही, गरुडा र राजेदेवी नगरपालिकाकामा बस्ने उनीहरुमा कोरोना देखिएको प्रदेश नम्बर दुईको सामाजिक विकास मन्त्रालयले पुष्टि गरेको छ ।

जिल्लाको देवाही गोनाही नगरपालिकास्थित क्वारेन्टाइनमामा रहेका १३ जनामा कोरोना संक्रमण पुष्टि भएको हो । यस्तै, राजदेवी नगरपालिकामा एक र गरुडा नगरपालिकाका थप एक जनामा कोरोना संक्रमण पुष्टि भएको छ । यता सदरमुकाम गौरमा रहेको जुद्ध माविको क्वारेन्टाइनमा रहेका ७ जनामा संक्रमण देखिएको छ ।

ती मध्ये ३ जना जना बालबालिका रहेका छन् । संक्रमित सबै चिकित्सकको सम्पर्कमा रहेपनि उनीहरुलाई कहाँ र कसरी व्यवस्थापन गर्ने भन्ने विषयमा टुंगो लाग्न नसकेको बताइएको छ । रौतहटमा हालसम्म ७० जनामा कोरोना संक्रमण देखिएको छ भने ती मध्ये ३ जना उपचारपछि घर फर्केका छन् ।

संक्रमितमध्ये धेरैजसो रोजगारीका लागि भारत गएर फर्केकाहरु रहेका छन् । पछिल्लो समयमा रौतहटमा ३ हजारभन्दा बढी मजदुरहरु भारतबाट फर्केलगत्तै क्वारेन्टाइमा राखिएको छ ।