अमेरिकाले नेपाली सेनालाई दियो छोटो समयमा उडान र अवतरण गर्नसक्ने दुई विमान

Best Khabar Team | २०७६ पुष २ गते बुधबार

१८ डिसेम्बर, २०१९
काठमाडौं । नेपालको भौगलिक अवस्था तथा आपत्कालीन उद्दारका लागि भन्दै अमेरिकी सरकारले नेपाली सेनालाई दुईवटा सानो विमान हस्तान्तरण गरेको छ । अमेरिकाले एम २८ स्काई मोडलका दुईवटा विमान ( स्काइ ट्रक) आज एक कार्यक्रममा बीच नेपाली सेनाका बलाधिकृत रथी शरद गिरीलाई हस्तान्तरण गर्नुभएको हो ।

विशेष गरी आपत्कालीन अवस्थामा परेकाहरुको उद्दार तथा सामग्री लैजानका लागि यो विमान उपयोगी मानिने बनाइएको छ । राससका अनुसार नेपाली सेनालाई अमेरिकाबाट प्राप्त यो अहिलेसम्मको सबैभन्दा ठूलो सुरक्षा अनुदान हो । आज हस्तान्तरण गरिएका दुई विमानमा तीन जना चालक दलका सदस्यसहित १८ जना यात्रु बस्न सक्नेछन् ।

यसको क्षमता दुुई हजार ३ सय केजी भारवहन रहेको छ । जसले दुई विमानको मूल्य करिब एक करोड ५० लाख अमेरिकी डलर रहेको बताइएको छ । विमान हस्तान्तरण कार्यक्रममा अमेरिकाका तर्फबाट राजदूत याण्डी डब्ल्यू बेरी उपस्थित हुनुहुन्थ्यो ।

Comment from facebook