देशभर कोरोना संक्रमितको संख्या १४ हजार बढी (प्रदेशहरुको तथ्यांकसहित)

Best Khabar Team | २०७६ पुष २२ गते मंगलबार

०१ जुलाई, २०२०
काठमाडौं । देशका विभिन्न स्थानमा देखिएको कोरोना भाइरसबाट संक्रमित हुनेको संख्या १४ हजार नाघेको छ । स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलन अनुसार पछिल्लो २४ घण्टामा काठमाडौं उपत्यकामा १७ जनासहित देशभर थप ४ सय ८२ जनामा कोरोना संक्रमण पुष्टि भएको छ ।

यो सँगै अब देशभर कोरोना संक्रमितको संख्या १४ हजार ४६ पुगेको छ । यस्तै कोरोना लागेर पनि निको हुनेको संख्या भने ४ हजार ६ सय ५६ पुगेको छ । हालसम्म मन्त्रालयले दिएको जानकारी अनुसार देशका विभिन्न प्रदेशमा निम्न संख्यामा संक्रमितहरु रहेका छन् ।

• १ नम्बर प्रदेशमा ६२३ जना
• २ नम्बर प्रदेशमा ३ हजार ८ सय ५६ जना
• बागमती प्रदेशमा ४ सय ५८ जना
• गण्डकी प्रदेशमा १ हजार ५८ जना
• ५ नम्बर प्रदेशमा ३ हजार आठ सय ४३ जना
• कर्णाली प्रदेशमा १ हजार पाँच सय ८ जना र,
• सुदूरपश्चिम प्रदेशमा २ हजार ७ सय जना रहेका छन् ।

पछिल्लो समयमा भारतबाट आउने नेपालीहरुको संख्या बढेसँगै कोरोना संक्रमितको संख्या पनि ह्वात्तै बढेको हो ।

Comment from facebook