हेलिकोप्टर दुर्घटनामा गम्भीर घाइते पाइलट सेढाईलाई थप उपचारका लागि भारत लगियो

Best Khabar Team | २०२६ पुष १७ गते बिहिबार

१५ अक्टोबर, २०२३
काठमाडौं । हेलिकोप्टर दुर्घटनामा गम्भीर घाइते भएका मनाङ्ग एयरका पाइलट प्रकाश सेडाईलाई थप उपचारको लागि भारत लगिएको छ । हिजो बिहान सोलुखुम्बुमा भएको हेलिकोप्टर दुर्घटनामा परेका पाइटल सेडाईलाई चिकित्सकको सल्लाह अनुसार थप उपचारका लागि भारतको मुम्बइ लगिएको हो । उनको मुम्बईस्थित नेशनल बर्न सेन्टरमा उपचार हुने पारिवारिक स्रोतले जनाएको छ ।

ह्याम्स अस्पतालको विशेषज्ञ चिकित्सकको निगरानीमा पाइलट सेढाईलाई मुम्बई लगिँदै । तस्वीर सौजन्य : ह्याम्स अस्पताल

उनलाई ह्याम्स अस्पतालको चिकित्सकको निगरानीमा श्री एयरलाईनसको चार्टर विमान मार्फत् मुम्बई लगिएको हो । दुर्घटनामा गम्भीर घाइते बनेका सेढाईको काठमाडौंको ह्यास अस्पतालमा प्रारम्भिक उपचार गरिएको भएपनि थप उपचारका लागि चिकित्सकहरुले भारत लैजान सिफारिस गरेका थिए । हिजो बिहान सोलुखुम्बुको लुक्लाबाट लुबुचेका लागि उडेको मनाङ्ग एयरको सो हवाईजहाज दुर्घटनामा परेको हो । दुर्घटनापछि हेलिकोप्टरमा लागेको आगोमा परी उनको शरीरको मुख, हातखुट्टालगायतका ५० प्रतिशत भाग जलेको अस्पतालले जनाएको छ।

हाइ अल्टिच्युड लागेर विरामी परेका यात्रुलाई लिन पाइलट सेढाई बिहान सवा ७ बजे लुबुचे उडेका थिए । स्मरणीय के छ भने विगत ३ महिनामा मनाङ्ग एयरको यो दोश्रो हेलिकोप्टर दुर्घटना हो ।