Best Khabar Team | २०७७ असार २३ गते मंगलबार
०८ जुलाई, २०२०
काठमाडौं । आफ्नो अस्पतालमा उपचाररत ७ जना विरामीमा कोरोना संक्रमण पुष्टि भएपछि काठमाडौंको बाँसबारीमा रहेको शहीद गंगालाल राष्ट्रिय हृदय केन्द्रले आकस्मिक बाहेकको सबै सेवा बन्द गर्नुपरेको जनाएको छ ।
अस्पताल स्रोतले दिएको जानकारी अनुसार मुटु सम्बन्धी समस्या देखिएपछि अस्पतालमा उपचारका लागि भर्ना भएका ७ जनामा कोरोना संक्रमण पुष्टि भएको हो । उनीहरुमध्ये केही काठमाडौंकै स्थानीय वासिन्दा भएको अस्पताल स्रोतले जानकारी दिएको छ । अस्पतालमा उचारका लागि भर्ना भएका विरामीका कोरोना देखिएपछि सुरक्षाका लागि भन्दै गंगालाल हृदयरोग केन्द्रले अर्को सूचना जारी नहुञ्जेलसम्मका लागि अस्पतालको आकस्मिक बाहेकका सबै सेवा बन्द भएको सूचनामार्फत् जानकारी गराएको छ ।
अस्पतालको विरामीमा कोरोना देखिएपछि अहिले उनीहरुको सम्पर्कमा रहेका अन्य विरामी, चिकित्सक तथा आफन्तको बारेमा जानकारी लिने काम शुरुभएको बताइएको छ । अस्पतालले सुरक्षाका लागि भन्दै अत्याश्यक काम बाहेक अस्पतालमा अनावश्यक भीडभाड नगर्न सूचनामार्फत जानकारी गराएको छ । यसैबीच भक्तपुरको क्यान्सर अस्पतालमा कार्यरत चार जना चिकित्सकलाई पनि कोरोना संक्रमण पुष्टि भएको छ ।
पाटनस्थित प्रयोगशालामा गरिएको स्वाब परीक्षणमा उनीहरुमा कोरोना पुष्टि भएको बताइएको छ । कोरोना संक्रमित चिकित्सकहरुलाई आइसोलेसनमा राखिएको अस्पताल स्रोतको भनाई छ ।
२०७५ फाल्गुन २२ गते बुधबार
०३ जुन, २०१९ काठमाडौं । गएराति सोलुम्बुमा नेत्र विक्रम...
२०२६ पुष १७ गते बिहिबार
३१ जुलाई, २०२०शनिश्चरे, मोरङ्ग । गएको साउन ८ गतेदेखि...
२०२६ पुष १७ गते बिहिबार
26 March, 2020 PokharaThis Thursday night, people from Western...
२०७८ भाद्र १९ गते शनिबार
०९ अप्रिल २०२१वेस्टह्याम, लण्डन । बेलायतकी महारानी एलेजावेथ द्वितीयका...
Top