Best Khabar Team | २०२६ पुष १७ गते बिहिबार

---

२५ अप्रिल, २०२०
काठमाडौं । सरकारले आगामी जेठ २ गते अर्थात् सन् २०२० को मे १५ तारिखसम्म नेपाल भित्र तथा बाहिर हुने सबै अन्र्तराष्ट्रिय तथा राष्ट्रिय उडान रोक्ने निर्णय गरेको छ । यस्तै नेपालबाट हुने सबै अन्र्तराष्ट्रिय उडानहरु पनि यस अवधिमा रोकिने भएका छन् ।

विश्वव्यापी रुपमा फैलिएको कोरोना भाइरसको संक्रमण (कोभिड १९) फैलिन नदिन यात्रुबाहक अन्र्तराष्ट्रिय उडान रोक्ने निर्णय गरेको हो । यस अवधिमा अत्यावश्यक औषधी तथा अन्य आवश्यक सामग्री ल्याउने विमानहरुले भने अनुमति लिएर उडान सञ्चालन गर्न पाउनेछन् ।

कोरोना भाइरस संक्रमण नियन्त्रणका लागि बनेको उच्चस्तरीय समन्वय समितिको आज बसेको बैठकले तत्कालका लागि हवाई उडान रोक्ने निर्णय गरेको हो । यसअघि सरकारले अप्रिल ३० सम्मको लागि हवाई उडान अवरुद्ध गर्ने निर्णय गरेको थियो । अन्र्तराष्ट्रिय स्तरमा पूर्णरुपमा कोरोना नियन्त्रणमा आइनसकेको भन्दै सरकारले तत्कालका लागि हवाई उडान रोक्ने निर्णय गरेको हो ।

यस्तै सरकारले आन्तरिक उडानहरुमा पनि जेठ २ गतेसम्मका लागि रोक लगाउने निर्णय गरको छ । अब सरकारको यो निर्णयसँगै आगामी जेठ २ गतेसम्म नेपालभित्र पनि आन्तरिक सेवामा रहेका विमानहरुले उडान गर्ने भर्न पाउने छैनन् ।

तर यसबीचमा विदेशी पर्यटक लिनका लागि विदेशबाट खाली आउने विमान तथा नेपालमा रहेका विमानहरुले यात्रु लिएर सम्बन्धित देशमा चार्टर उडान भर्न सक्नेछन् ।

---

Comment from facebook