शुक्रबार र शनिबार चट्याङ्सहित भीषण वर्षातको सम्भावना, सचेत रहन मौसमविद्को आग्रह

Best Khabar Team | २०७६ चैत्र २४ गते सोमबार

०४ जुन, २०२०
काठमाडौं । अरब सागरको दक्षिणपूर्वी भागबाट शुरु भएको ‘निसर्ग’ चक्रवात नामको आँधीको प्रभाव नेपालमा पनि पर्नसक्ने भन्दै मौसमविद्हरुले सचेत गराएका छन् । ‘निसर्ग चक्रवात’ नाम दिइएको सो मौसमी आँधीले नेपालको पूर्वी क्षेत्र , काठमाडौं उपत्यकालगायत सिँगो देशभरमा प्रभाव छाड्नसक्ने बताइएको छ ।

तर देशको पूर्वी क्षेत्रमा यसको प्रभाव बढी देखिने र पश्चिमी क्षेत्रमा प्रभाव विस्तारै कम हुने अनुमान मौसमविद्हरुले गरेका छन् । हिजो भारतबाट शुरुभएको यो मौसमी परिवर्तनले आगामी शुक्रबार तथा शनिबार नेपालका पूर्वी क्षेत्रमा भीषण वर्षा र चट्याङ्को सम्भावना रहेको छ । नेपालका हिमाली क्षेत्रमा हिमपातको सम्भावना पनि देखाएको छ । यसको प्रभावले भारतको पुनेमा २ जनाको ज्यान गै सकेको छ भने केही घाइते भएका छन् ।

आँधीको सम्भावित प्रभावलाई मध्येनजर गर्दै भारत पुनेका अधिकांश गाउँलाई खाली समेत गराइएको छ । भारतबाट हिजो शुरु भएको यो मौसमी परिवर्तनको प्रभाव कम्तीमा ४ दिनसम्म जारी रहने मौसमविद्हरुले जनाएका छन् ।