भारतमा अलपत्र नेपालीको व्यवस्थापन गर्न दूतावासलाई सरकारको निर्देशन

Best Khabar Team | २०७६ फाल्गुन २२ गते बिहिबार


०३ मे, २०२०
काठमाडौं । लकडाउनका कारण भारतका विभिन्न स्थानमा अलपत्र परेका नेपालीको व्यवस्थापन भारतमा रहेको नेपाली दूतावासले गर्ने भएको छ । नेपाल सरकार मन्त्रीपरिषद्को आज बसेको बैठकले लकडाउनका कारण भारतमा अलपत्र नेपाली मजदूर, विद्यार्थीलगायतको व्यवस्थापन गर्न भारतस्थित नेपाली दुतावासलाई निर्देशन दिने निर्णय गरेको हो ।

मन्त्रीपरिषद्को आजको बैठकमा कतिपय मन्त्रीहरुले भारतीय भूमि तथा नेपाल भारत सिमावर्ती क्षेत्रमा अलपत्र परेका करिब ३ हजार नेपाली नागरिकलाई तत्काल नेपाल ल्याएर क्वारेन्टाइनमा राख्नुपर्ने प्रस्ताव गरेका थिए । तर प्रधानमन्त्री केपी शर्मा ओलीले तत्काल उनीहरुलाई नेपाल ल्याउँदा कोरोना संक्रमणको जोखिम पनि फैलने भएकोले त्यसको सट्टा भारतमै रहेको नेपाली दुतावासलाई अलपत्र परेका नेपाली नागरिकको व्यवस्थापनको जिम्मा दिनुपर्ने प्रस्ताव गरेका थिए ।

प्रधानमन्त्रीको यो प्रस्तावलाई बैठकले सर्वसम्मत रुपमा पारित गरेको बैठकमा सहभागी एक मन्त्रीले बताएका छन् । अलपत्र मजदुर तथा विद्यार्थीको व्यवस्थापनका लागि भारतमा रहेको नेपाली दूतावासलाई थप आर्थिक सहयोग गर्ने निर्णय पनि बैठकमा भएको छ । यसका लागि परराष्ट्रमन्त्रालयलाई आवश्यक तयार थाल्न निर्देशन दिइएको छ ।

कोरोना भाइरसको संक्रमणका कारण नेपाल र भारतमा लकडाउनको समयावधि लम्बँदै गएपछि मजदुरीका लािग भारत पुगेका सयौं मजदुर र विद्यार्थी अलपत्र परेका छन् । प्रधानमन्त्रीले आवेगमा आएर जोखिमपूर्ण निर्णय गर्नुभन्दा बरु यथास्थानमै उचित व्यवस्था गर्न सकिए त्यो उत्तम हुने बताएका छन् ।

बैठकमा प्रधानमन्त्रीले कोरोना नियन्त्रणका लागि सिमावर्ती क्षेत्रमा थप कडाई गर्न सम्बन्धित सरोकारवालालाई निर्देशन दिएका छन् । भारतले दुईदिन अघि थप दुई साताका लागि लकडाउनको समयावधी लम्ब्याएपछि सिमामा रहेका नेपालीहरु थप समस्यामा परेका छन् ।



Comment from facebook



थप खबर पढ्नुहोस्
स्वर्गद्वारी दर्शनका लागि हिडेका ५ जनाको जीप दुर्घटनामा मृत्यु स्वर्गद्वारी दर्शनका लागि हिडेका ५ जनाको जीप दुर्घटनामा मृत्यु

२०२६ पुष १७ गते बिहिबार

१४ अप्रिल, २०२१स्वर्गद्वारी, प्युठान । प्युठानमा आज बिहान भएको...

स्पेनमा पछिल्लो २४ घण्टामा मात्रै थप ५५२ जनाको मृत्यु, मृतकको संख्या साढे ५ हजार नाघ्यो स्पेनमा पछिल्लो २४ घण्टामा मात्रै थप ५५२ जनाको मृत्यु, मृतकको संख्या साढे ५ हजार नाघ्यो

२०२६ पुष १७ गते बिहिबार

२८ मार्च, २०२०बेल्जियम । कोरोना भाइरस (कोभिड १९) को...

चीनमा कोराना भाइरसबाट ज्यान गुमाउनेको संख्या ३६१ पुग्यो चीनमा कोराना भाइरसबाट ज्यान गुमाउनेको संख्या ३६१ पुग्यो

२०७६ फाल्गुन १९ गते सोमबार

०३ फेब्रुअरी, २०२०बेइजिङ्ग । कोरोना भाइरसको उद्गम थलोको रुपमा...

COVID 19 TIME – SOME ENCOURAGEMENT COVID 19 TIME – SOME ENCOURAGEMENT

२०७७ असार २४ गते बुधबार

Shree Hari Subedi “SAMAN” Everyone is stressed because of...

Top