गैर आवासीय नेपाली संघमा कम्युनिष्ट निकटको वर्चस्व, अध्यक्षमा पन्त विजयी

Best Khabar Team | २०२६ पुष १७ गते बिहिबार

१८ अक्टोबर २०१९
काठमाडौं । गैर आवासीय नेपाली संघ (एनआरएनए) को काठमाडौंमा सम्पन्न नबौं अधिवेशनबाट (नबौ बिश्व सम्मेलन) अध्यक्षमा कुमार पन्त विजयी भएका छन् । तीन दिनदेखि काठमाडौंमा जारी एनआरएनएको अधिवेशनबाट प्रतिद्वन्द्वी कुल आचार्यलाई पराजित गर्दै पन्त विजयी भएका हुन् । अध्यक्षमा विजयी पन्तले १ हजार ९४ मत प्राप्त गर्दा उनका निकटतम प्रतिद्वन्दी आचार्यले ९ सय ५९ मत मात्रै प्राप्त गरेका थिए ।

पन्त युरोपेली मुलुक जर्मनीमा बसेर व्यवसाय गर्दै आइरहेका छन् । यस्तै परजित भएका आचार्यले आफ्नो कर्मथलोको रुपमा बेलायतलाई बनाएका छन् । पन्त कम्युनिष्ट निकट हुन् भने निर्वाचनमा पराजित आचार्य काँग्रेस निकट मानिन्छन् । यस्तै, उपाध्यक्षहरुमा वद्री केसी, अर्जुन कुमार श्रेष्ठ, सोनम लामा, मन केसी तथा महिला उपाध्यक्षमा रविना थापा विजयी भएका छन् । यस्तै महासचिवमा हेमराज शर्मा, सचिवमा गौरी जोसी तथा आरके शर्मा, कोषाध्यक्षमा, महेश श्रेष्ठ र सह कोषध्यक्षामा लोक दाहाल विजयी हुनुभएको छ ।

काठमाडौंको बौद्धस्थित होटल हायातमा भएको चुनावी कार्यक्रममा आफ्ना पार्टी निकटका उम्मेद्वारलाई विजयी गराउन केही केन्द्रीय नेताहरु लागिपरेका थिए । यपटकको निर्वाचनको केन्द्रीय कार्यसमितिमा विजयी उम्मेद्वारहरुमा कम्युनिष्ट निकटकै बर्चस्व रहेको छ । अध्यक्षका प्रत्ययासी आचार्यले मत परिणाम हार्ने निश्चित भएपछि केही अराजक हर्कत गरेको आरोप पन्त निकटहरुले लगाएका छन् । निर्वाचित कार्यसमितिले २०१९–२०२१ का लागि काम गर्ने छ ।