Best Khabar Team | २०७७ जेठ १३ गते मंगलबार
२६ मे, २०२०
मनिला । कोरोना भाइरसका संक्रमणका कारण करिब ३ महिनादेखि बन्द रहेको फिलिपिन्सका विद्यालयहरु तत्काल नखुल्ने भएको छ । आगामी अगस्टको अन्तिम सातादेखि विद्यालय सञ्चालन गर्ने तयारी भै रहेका बेला यहाँका राष्ट्रपति रोड्रिगो दुतेर्तेले महामारी जारी रहँदा तत्काल विद्यालय खोलेर थप जोखिम मोल्न नसकिने स्पष्ट पारे ।

उनले हिजो गरेको सम्बोधनका क्रममा कोरोना भाइरसको खोप उपलब्ध नहुञ्जेलसम्म विद्यालय सञ्चालन नगर्न सरकारमार्फत् विद्यालय सञ्चालकहरुलाई निर्देशन समेत दिएका छन् । आगामी अगस्टदेखि प्राथमिक कक्षा सञ्चालनको तयारी स्वरुप केही विद्यालयहरुले विद्यार्थी भर्ना शुरु गरेका थिए । तर यहीबीचमा राष्ट्रपति दुतेर्तेले भने –‘ तत्काल विद्यालय सञ्चालन गर्दा यसले कोरोनाको जोखिम उच्च हुने सम्भावना छ ।
त्यसैले विद्यालय तत्काल सञ्चालन गर्न सकिन्न । कोरोनाको भ्याक्सिन आएपछिमात्रै फेरि विद्यालय सञ्चालन हुनेछ ।’ विश्वभर कोरोना भाइरसको भ्याक्सिनको बारेमा व्यापक परीक्षण भै रहेका बेला राष्ट्रपतिको यो भनाई आएको हो । बालबालिकाको जीवन भन्दा ठूलो शिक्षा नहुने भन्दै उनले तत्काल खोप उपलब्ध हुनेमा आफू आशावादी रहेको बताएका छन् ।
फिलिपिन्समा विद्यालय बन्द हुँदा २ करोड भन्दा बढी विद्यार्थीहरुको पठनपाठन अबरुद्ध भएको छ । फिलिपिन्समा हरेक वर्षको जुनदेखि अप्रिल महिनासम्म प्राथमिक तहका विद्यालयहरु सञ्चालन हुने गर्दछन् । फिलिपिन्समा अहिलेपनि गरिबीको दर उच्च रहेकोले अधिकांश मानिसहरुको घरमा कम्प्युटर तथा इन्टरनेटको पहुँच नपुगेको यहाँका सञ्चारमाध्यमहरुले जनाएका छन् ।
यस अवस्थामा तत्काल अनालईन कक्षा सञ्चालन गर्न पनि सम्भव नहुने विज्ञहरुको भनाई रहेको छ । राष्ट्रपतिको यो निर्देशनसँगै फिलिपिन्समा कहिले विद्यालय सञ्चालन हुन्छ भन्ने विषयमा केही भन्न नसकिने यहाँका शिक्षा अधिकारीहरु बताउँछन् ।
यो समाचार तयार पार्दासम्म फिलिपिन्समा कोरोनाका कारण ८ सय ८६ जनाको ज्यान गएको छ भने १४ हजार ६ सय ६९ जनामा कोरोना संक्रमण फैलिएको छ । यस्तै ३ हजार ४ सय १२ जना उपचारपछि घर फर्केका छन् ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
What is the ‘Burning Objects’ in Nepal’s sky this Thursday night?
२०७६ चैत्र १३ गते बिहिबार
26 March, 2020 PokharaThis Thursday night, people from Western...
यौन दुराचारको आरोपी महरा थप ३ दिन हिरासतमै रहने
२०७६ आश्विन २८ गते मंगलबार
१५ अक्टोबर, २०१९ काठमाडौं । यौन दुराचारको अभियोगमा पक्राउ...
जेठ ३१ (जुन १३) सम्म नेपालको सबै आन्तरिक र बाह्य हवाई उडान तथा छिमेकी देशसँगको नाका बन्द
२०७७ जेठ ७ गते बुधबार
२० मे, २०२०काठमाडौं । कोरोना भाइरसको संक्रमण बढ्न नदिन...
आगामी बैशाख १८ सम्मका लागि नेपाल आउने सबै विदेशी पर्यटकलाई नेपाल प्रवेशको भिषा बन्द, हवाई र स्थलमार्ग दुबैमा यो नियम लागू हुने
२०७६ चैत्र १ गते शनिबार
१४ मार्च, २०२०काठमाडौं । सरकारले आजराति (आइतबार बिहान १...
Top