इटालीका रोग संक्रमण विशेषज्ञ डाक्टर भन्छन् : ‘कोरोना भाइरस कमजोर हुँदै गएको छ’

Best Khabar Team | २०२६ पुष १७ गते बिहिबार


२३, जुन, २०२०
रोम, इटली । कुनै बेला चीनपछि कोरोना भाइरसको सबैभन्दा ठूलो इपिसेन्टरको रुपमा रहेको इटलीका एकजना बरिष्ठ चिकित्सकले कोरोना भाइरसको स्वरुप विस्तारै कमजोर बन्दै गएको दाबी गरेका छन् । युरोपेली मुलुक इटालीको सान मार्टिनो अस्पतालमा इन्फेक्सियस डिजिज विभागका प्रमुख डाक्टर माटेओ बसेटीका अनुसार विगतमा चीनबाट शुरुभएको कोरोना भाइरस इटलीसम्म आइपुग्दा मानिसमा जुन खाले लक्षण र अवस्था देखिन्थ्यो अहिले त्यो पुरै बदलिएको छ । विगतमा कोरोनाले मानिसहरुलाई छिट्टै कमजोर गराउने तथा यो भाइरस लागेपछि अन्य रोग समेत देखिने गरेको पनि बसेटीले बताएका छन् ।

इटालीको सान मार्टिनो अस्पताल ।

हालै अमेरिकाबाट प्रकाशित हुने न्यूर्योक टाइम्सले उल्लेख गरेको एउटा समाचार अनुसार यही अवस्थामा कोरोना भाइरसले स्वरुप बदल्दै जाने हो भने अबको केही महिनामा यो भाइरस नास भएर जनजीवन पुरानै अवस्थामा फर्कनसक्ने दाबी बसेटीले गरेका छन् । कोरोना भाइरसबाट मानिसहरुलाई बचाउनका लागि भ्याक्सिन निकाल्ने तयारीमा विश्वका दर्जनौ देशका हजारौं चिकित्सकले प्रयास जारी राखेका बेला इटलीका यी डाक्टरको यो भनाई आएको हो ।

अस्पतालका इन्फेक्सियस डिजिज विभागका प्रमुख डाक्टर माटेओ बसेटी ।

उनले आउँदा दिनमा कोरोना नियन्त्रणका लागि भ्याक्सिन पनि आवश्यक नहुने दाबी गरेका छन् । उनले भनेका छन् –‘पहिले पहिले यसको संक्रमणमा परेकाहरुलाई निक्कै कठिन हुने गरेको थियो । अक्सिजन तथा भ्यान्टिलेरमै राखेर उपचार अघि बढाउनुपर्ने हुन्थ्यो, तर अहिले विश्वभर फैलिएको भाइरस र यसबाट संक्रमितहरुको लक्षण र अवस्था हेर्दा यो कमजोर बनिसकेको छ । विरामीहरु सामान्य अवस्थामा अस्पलता वा घरकै क्वारेन्टाइनमा बसिरहेका छन् ।’

उनले यो भाइरस विस्तारै आफैं हराएर जाने तथा सामान्य रुघाखोकीमै यसको स्वरुप नष्ट हुने बताएका छन् । विश्वका विभिन्न देशमा कोरोनाको उपचारमा खटिएका चिकित्सक तथा विरामीको अवस्था र भोगाईलगायतका विषयमा गहन अध्ययन गरिरहेका इटलीका चिकित्सक बसेटी आफैं कोरोना संक्रमण नियन्त्रणको अग्रमोर्चामा खटिएका चिकित्सक हुन् । उनले कोरोनाको खोप निस्कनुअघि नै यो रोग हराएर दाबी समेत गरेको न्यूर्योक पोष्टले उल्लेख गरेको छ ।



Comment from facebook



थप खबर पढ्नुहोस्
बेलायतमा पार्कबाट हराईरहेकी नेपाली बृद्दा मृत अवस्थामा भेटिइन् (अपडेट) बेलायतमा पार्कबाट हराईरहेकी नेपाली बृद्दा मृत अवस्थामा भेटिइन् (अपडेट)

२०७७ मंशिर २० गते शनिबार

१२ मे, २०२०वेस्टह्याम । बेलायतको राजधानी लण्डनबाट दक्षिण पूर्वमा...

रानीपोखरीस्थित ‘प्रहरी कन्ट्रोल रुम’ मा कार्यरत ३ प्रहरीमा कोरोना संक्रमण रानीपोखरीस्थित ‘प्रहरी कन्ट्रोल रुम’ मा कार्यरत ३ प्रहरीमा कोरोना संक्रमण

२०७७ आश्विन २२ गते बिहिबार

१० अगस्ट, २०२०काठमाडौं । काठमाडौंको रानीपोखरीस्थित प्रहरी कन्ट्रोल रुममा...

ठमेलले यसरी ग-यो पर्यटन वर्ष २०२० को स्वागत (फोटोफिचर) ठमेलले यसरी ग-यो पर्यटन वर्ष २०२० को स्वागत (फोटोफिचर)

२०२६ पुष १७ गते बिहिबार

३० डिसेम्बर, २०१९ काठमाडौं । नेपाल भ्रमण वर्ष २०२०...

पोर्चुगलको राष्ट्रपतिमा दोश्रोपटक पनि ७२ वर्षीय मार्सेलो निर्वाचित पोर्चुगलको राष्ट्रपतिमा दोश्रोपटक पनि ७२ वर्षीय मार्सेलो निर्वाचित

२०२६ पुष १७ गते बिहिबार

२५ जनवरी, २०२१पोर्तिमाउ, पोर्चुगल । युरोपेली मुलुक पोर्चुगलको राष्ट्रपतिमा...

Top