इटलीको मिलानमा भ्रमण वर्ष २०२० सम्बन्धी कार्यक्रम

Best Khabar Team | २०७६ फाल्गुन ७ गते बुधबार

१९ फेब्रुअरी, २०२०
मिलान । नेपालमा नेपाल भ्रमण वर्ष २०२० शुरु भएको करिब २ महिनापछि युरोपेली मुलुक इटलीमा पनि यसलाई प्रबद्र्धन गर्न यहाँस्थित नेपालीहरुले कार्यक्रम गरेका छन् । इटलीको पर्यटकीय एवं ऐतिहासिक शहर मिलानमा नेपाल भ्रमणवर्षको औपचारिक उद्घाटन कार्यक्रम गरिएको बाणिज्य दुतावास इटलीले जानकारी दिएको छ ।

इटलीयन पर्यटकहरुलाई लक्षित गरी गरिएको कार्यक्रममा स्वीट्जरल्याण्डस्थित नेपाली दुतावासको पनि सहभागिता रहेको थियो । त्यसक्रममा स्वीट्जरल्याण्डाका लागि नेपाली राजदुत मणिप्रसाद भट्टराई विश्वमा धेरै घुम्ने पर्यटकको रुपमा परिचित इटालियन पर्यटकहरुलाई नेपाल भ्रमण गराउन सकेमा यसले नेपालको आर्थिक अवस्था मजबुत हुने तथा पर्यटकीय क्षेत्रको थप विकास र विस्तार हुने बताए ।

कार्यक्रममा यहाँस्थित गैरआवासीय नेपाली संघ तथा अन्य विभिन्न संघ संस्थाका प्रतिनिधिहरुले पनि नेपाल विश्वमै एक सुन्दर पर्यटकीय गन्तव्य भएको भन्दै यहाँ घुम्नका लागि इटालिन पर्यटकहरुलाई प्रेरित गर्ने हेतुले कार्यक्रम गरिएको बताएका थिए । कार्यक्रममा विभिन्न सांस्कृतिक कार्यक्रम र नेपाली खाना महोत्सव समेत गरिएको थियो ।

Comment from facebook