३० दिनमा जिते बेलायती प्रधानमन्त्रीले कोरोनालाई, भोलिदेखि काममा फर्कँदै

Best Khabar Team | २०२६ पुष १७ गते बिहिबार


२६ अप्रिल, २०२०
वेस्टह्याम । गत मार्च २७ का दिन कोरोना संक्रमणको पुष्टि भएका बेलायती प्रधानमन्त्री बोरिस जोन्सोनले एक महिनामा कोरोनालाई जितेका छन् । कोरोना संक्रमणमा परी शुरुको २ साता घरमै क्वारेन्टाइनमा बसेका प्रधानमन्त्री बोरिस अप्रिलको दोश्रो साता चिकित्सकको सल्लाह अनुसार अस्पताल भर्ना भएका थिए ।

अप्रिलको दोश्रो साता लण्डनको सेन्ट थोमस अस्पतालमामा उपचारार्थ भर्ना भएका प्रधानमन्त्री बोरिसलाई सामान्य वार्डमा राखेर उपचार गरिएको भएपनि अवस्था गम्भीर भएपछि उनलाई ३ दिन अति सघन उपचार कक्ष (आइसियु)मा राखेर उपचार थालिएको थियो । त्यसपछि उनको अवस्था सामान्य भएपछि पुनः उनलाई अस्पतालको सामान्य वर्डको आइसोलसेनमा राखिएको थियो । चिकित्सकहरुले प्रधानमन्त्री बोरिसको स्वास्थ्य उपचारमा कुनै कसर बाँकी राखेका थिएनन् । कोरोनाको महामारी फैलिइरहेका बेला बेलायती प्रधानमन्त्री दौडधुपलाई निक्क बढावा दिएका थिए । जसका कारण उनमा मार्च २७ का दिन कोरोना संक्रमण भएको पुष्टि भयो ।

त्यसपछि घरमै आइसोलेसनमा रहेका उनले घरबाटै मन्त्री परिषद्को बैठकलगायतका महत्वपूर्ण कामहरु सञ्चालन गरेका थिए । पछि उनको अवस्था विग्रेको भन्दै नीजि चिकित्सकले उनलाई अस्पतालमा भर्ना हुन सुझाव दिएका थिए । नियमित रुपमा ३० दिनसम्म उनले चिकित्सकको सल्लाहअनुसार उपचार सेवा तथा क्वारेन्टाइनको नियम पालना गरेका थिए ।

जसका कारण उनले कोरोनालाई जितेका छन् । उनी केहीदिन अघि मात्रै अस्पतालबाट डिस्चार्ज भएका थिए । अहिले उनी पूर्णरुपमा स्वस्थ भएको र भोलि अर्थात् सोमबारदेखि नियमित रुपमा काममा फर्कने बेलायती सञ्चार माध्यमहरुले जनाएका छन् । निजी चिकित्सकहरुको सल्लाह बमोजिम उनी पुनः आफ्नै काममा फर्कन लागेका हुन् ।

आफू अस्वस्थ भएर अस्पतालमा रहँदा उनको जिम्मेवारी विदेशमन्त्री डोमिनिक राबलाई प्रदान गरिएको थियो । उनले अस्पतालबाट डिस्चार्ज हुँदै गर्दा आफ्नो उपचारमा संलग्न सबै चिकित्सकहरुलाई धेरै धन्यावाद दिएका थिए । आफ्नो दृढ इच्छाशक्ति र चिकित्सकहरुको अथक प्रयासबाट आफूले कोरोनालाई जितेको उनको प्रतिक्रिया छ । हालसम्म बेलायतभर कोरोनाका कारण २० हजार ७ सय ३२ जनाले ज्यान गुमाएका छन् भने १ लाख ५२ हजार ८ सय ४० जना संक्रमित भएका छन् ।



Comment from facebook



थप खबर पढ्नुहोस्
यसरी जन्मँदैछ अफ्रिकी महादेशमा नयाँ देश ‘एम्बाजोनिया’ ! यसरी जन्मँदैछ अफ्रिकी महादेशमा नयाँ देश ‘एम्बाजोनिया’ !

२०७७ श्रावण २२ गते बिहिबार

– प्रतीक लामिछाने, लिंकरोभर, बेल्जियम ।विश्वमा हाल अस्तित्वमा रहेका...

तिलिचोको ‘तिलस्मी जादू’ तिलिचोको ‘तिलस्मी जादू’

२०२६ पुष १७ गते बिहिबार

कसरी पुग्ने तिलिचो ? पहिलो बाटो यो ताल पुग्न...

उपत्यकासहित १३ जिल्ला अति संवेदनशील क्षेत्र : विद्यालयलगायतका स्थानमा नजान स्वास्थ्य मन्त्रालयलको अपिल (विज्ञप्तिसहित) उपत्यकासहित १३ जिल्ला अति संवेदनशील क्षेत्र : विद्यालयलगायतका स्थानमा नजान स्वास्थ्य मन्त्रालयलको अपिल (विज्ञप्तिसहित)

२०२६ पुष १७ गते बिहिबार

१५ अप्रिल, २०२१काठमाडौं । सरकारले काठमाडौं उपत्यकालगायत देशका १३...

प्रहरीको प्रारम्भिक अनुसन्धानले भन्छ :  पूर्व सचिवपत्नीको हत्या  कामदारबाटै प्रहरीको प्रारम्भिक अनुसन्धानले भन्छ : पूर्व सचिवपत्नीको हत्या कामदारबाटै

२०७७ आश्विन १६ गते शुक्रबार

१०, फेब्रुअरी, २०२०ललितपुर । पूर्वसचिव अर्जुन कार्कीकी श्रीमती मुना...

Top