बझाङ्मा जीप दुर्घटना, ६ को मृत्यु, ६ घाइते

Best Khabar Team | २०७६ असार २ गते सोमबार

१७ जुन, २०१९
काठमाडौं । विकट पहाडी जिल्ला बझाङ्मा यात्रुबाहक जीप दुर्घटना हुँदा कम्तीमा ६ जनाको ज्यान गएको छ । दुर्घटनामा परी ६ जना गम्भीर घाइते भएका छन् । जिल्ला प्रहरी कार्यालयका अनुसार सदरमुकाम नजिकैको डुङ्रीबाट मष्टा गाँउपालिका जाँदै गरेको स १ ज १०७२ नम्बरको जीप डौठीमा दुर्घटनामा परेको हो ।

दुर्घटनामा परी ज्यान गुमाएकामा एक बालक, दुई महिला र तीन पुरुष छन् । उनीहरुको सनाखत हुन सकेको छैन । अक्करको भीरमा जीप खसेकोले उद्दारमासमेत कठिनाई भएको बताइएको छ । भीरमा दुर्घटनाग्रस्त जीप अड्किएको र मान्छेसमेत जान नसक्ने ठाउँ रहेकोले घाइतेहरुको उद्दारमा समस्या परेको छ ।

अहिले सुरक्षाकर्मी, स्थानीप्रशासन तथा स्थानीबासिन्दा घटनास्थलमा पुगेर उद्दारको प्रयास थालेका छन् । दुर्घटनाको कारण खुल्न सकेको छैन । कच्ची सडकमा क्षमताभन्दा बढी यात्रु भएकोले चालकले नियन्त्रण गुमाएको आशंका गरिएको छ।

Comment from facebook