परिवारका १४ जनामा संक्रमित भेटिएपछि मोरङ्गको रंगेली बजार अनिश्चितकालका लागि बन्द

Best Khabar Team | २०७६ चैत्र २६ गते बुधबार

०४ अगस्ट, २०२०
विराटनगर, मोरङ्ग । मोरङ्गको रंगेली बजारमा २२ जनाभन्दा बढी संक्रमित भेटिएपछि सिँगो रंगेली बजार नै सिल गरिएको छ । पछिल्लो २४ घण्टायता रंगेली नगरपालिकामा एकैपटक २२ जनामा कोरोना संक्रमण भेटिएपछि नगरपालिका क्षेत्र र सिँगो बजार नै सिल गरिएको हो ।

कोशी अञ्चल अस्पतालले गरेको स्वाब परीक्षणका क्रममा २२ जनामा कारोना संक्रमण पुष्टि भएको हो । संक्रमितमध्ये १४ जना कोरोना संक्रमित एकै परिवारका रहेको अस्पतालको भनाई छ। संक्रमितको संख्या बढ्दै गएपछि अहिले बजार क्षेत्रमा अनिश्चितकालका लागि बन्द गरिएको छ।

बजारक्षेत्र भित्र अर्को सूचना जारी नहुञ्जेलसम्मका कलकारखाना, पसललगायत क्षेत्र अनिवार्य रुपमा बन्द गर्नुपर्ने छ भने अत्यावश्यकीय सेवामा रहेका पसल तथा सवारी साधनहरु मात्रै सञ्चालन गर्न पाईने छ ।

Comment from facebook