हेल्थ डेक्स राखेर तातोपानी नाका सञ्चालनमा, आवश्यक स्वास्थ्य सामग्री ल्याइने

Best Khabar Team | २०७६ चैत्र २७ गते बिहिबार

०९ अप्रिल, २०२०
चौतारा । नेपाल चीन सीमावर्ती नाका तातोपानी आजदेखि पुनः सञ्चालनमा आएको छ । चीनमा कोरोना भाइरसको संक्रमण देखिएलगत्तै चीनले नेपालसँग सिमा जोडिएको सिन्धुपाल्चोकको तातोपानी नाका गएको माघको तेश्रो सातादेखि तत्कालका लागि बन्द गरेको थियो ।

नेपालमा अत्यावश्यकीय स्वास्थ्य साम्री आपूर्ति गर्नका लागि सो नाका सञ्चालनमा ल्याइएको हो । त्यसका लागि नाकामा विश्व स्वास्थ्य संगठनले तोकेको मापदण्ड अनुसारको स्वाथ्य डेक्स राखिएको छ । सो नाकाबाट अत्यावश्यकीय मेडिकल किट, सेनिटाइरज र माक्सलगायतका सामग्री आयात हुनेछन् । यो नाका सञ्चालनमा आएपछि अब स्वास्थ्य सामग्री आयात गर्नका लागि हवाई मार्गकै भर पर्नुपर्ने बाध्यता हटेको छ ।

चीनमा अहिले कारोना संक्रमितको संख्या घट्न थालेपछि जोखिम पनि कम हुने अपेक्षा गरिएको छ ।यसअघि गत २०७२ सालमा गएको महाभूकम्पपछि यो नाका करिब डेढ वर्ष बन्द रहेको थियो ।