मकवानपुर दुर्घटना : मृतकको संख्या ३ पुग्यो

Best Khabar Team | २०७६ पुष ११ गते शुक्रबार

२७ डिसेम्बर, २०१९
काठमाडौं । मकवानपुरमा आज बिहान भएको टाटा सुमो दुर्घटनामा ज्यान गुमाउनेको संख्या ३ पुगेको छ । स्थानीय इन्द्रसरोवर गाउँपालिका ३ मा आज बिहान भएको यात्रुबाहक टाटासुमो दुर्घटनामा ज्यान गुमाउनेमध्ये २ जना पुरुष र एक महिला रहेका छन् । उनीहरुको सनाखत हुन सकेको छैन ।

हेटौडाबाट काठमाडौंका लागि छुटेको ना१ज ३४३३ नम्बरको जीप इन्द्रसरोवर गाउँ पालिकास्थित पाटेखोलामा दुर्घटनामा परेको थियो । सो दुर्घटनामा जीप सडकबाट करिब आधाकिलोमिटर तल खसेको थियो । दुर्घटनामा ६ जना घाइते भएको र उनीहरुको स्थानीय मनमोहन मेमोरियल अस्पताल फर्पिङ्गमा उपचार भै रहेको छ । दुर्घटनाको कारण खुल्न सकेको छैन ।

यस्तै, काठमाडौंको तारकेश्वर नगरपालिका वडा नम्बर ३ तिनपिप्पेलमा टिफर दुर्घटना हुँदा २ जनाको ज्यान गएको छ । कीर्तिपुरबाट फोहोर लिएर ओखरपौपा जाँदै गरेको ना २ क ३३८ नम्बर टिपर पल्टँदा चालक माइला लामा र सहचालक कमल लामाको ज्यान गएको हो । दुर्घटनामा ज्यान गुमाउनेहरुको शव काठमाडौंको शिक्षण अस्पतालमा राखिएको छ ।

Comment from facebook