मध्यरातमा बाँकेको जंगलमा भयानक दुर्घटना, १२ को मृत्यु, २१ घाइते

Best Khabar Team | २०७६ पुष २१ गते सोमबार

०१ जुन, २०२०
सोनारी, बाँके । बाँकेमा गएराति भएको भ्यान दुर्घटनामा परी ज्यान गुमाउनेको संख्या १२ पुगेको छ । यसअघि घटनास्थलमै ११ जनाको मृत्यु भएको भएपनि उपचारका क्रममा अस्पताल लैजाँदै गर्दा थप एक जनाको ज्यान गएको जिल्ला प्रहरी कार्यालय बाँकेले जनाएको छ । दुर्घटनामा ज्यान गुमाउनेमा ११ जना पुरुष र १ जना महिला रहेका छन् ।

जिल्लाको राप्ती सोनारी गाउँपालिकामा वडा नम्बर २ मा गएराति बा ५ ख ५९९५ नम्बरको यात्रुबाहक भ्यान विपरित दिशातर्फ रोकेर राखिएको ना ४ ख ९०६४ नम्बरको ट्रकमा ठोक्किएको थियो । सोनारीको जंगलमा विग्रेर सडकमै रोकिराखिएको सो ट्रकसँग तीव्रगतिमा विपरित दिशाबाट आइरहेको सो भ्यान ठोक्किएर दुर्घटना भएको प्रहरीको भनाई छ । दुर्घटनामा ज्यान गुमाउनेको सनाखत भै सकको छैन ।

दुर्घटनामा घाइते २१ जनाको बाँकेका विभिन्न अस्पतालमा उपचार भै रहेको छ । तीव्रगतिमा रहेको भ्यानले नियन्त्रण गुमाउँदा सडकमै रोकिराखिएको ट्रकसँग ठोकिएको प्रहरीको प्रारम्भिक अनुसन्धानले देखाएको छ ।

भारतमा रोजगारीका लागि गएका मजदुरहरुलाई लिएर गाउँ फर्कँदै गरेको सो भ्यान दुर्घटनामा परेको बताइएको छ । घाइतेहरु दाङ्, सल्यान र रोल्पाका रहेका छन् । दुर्घटनामा घाइतेहरुको अहिले स्वाब परीक्षण समेत गरिएको बताइएको छ ।

Comment from facebook