Best Khabar Team | २०७७ जेठ १९ गते सोमबार
०१ जुन, २०२०
काठमाडौं । कोरोनाको बहानामा देशका विभिन्न जिल्लामा किसानले उत्पादन गरेको तरकारी तथा फलफूलहरु नष्ट गरिएको घटना सार्वजनिक भै रहँदा कृषि तथा पशुपन्छी मन्त्रालयले यसप्रति मन्त्रालयको गम्भीर ध्यानाकर्षण भएको जनाएको छ । मन्त्रालयका सचिव राजेन्द्रप्रसाद भारीले आज विज्ञप्ति निकालेर कृषकको मनोबल खस्कने यस्ता कार्य नर्गन नगराउन सबैको ध्यानाकर्षण गराएको छ ।

किसानहरुले दुःख गरेर आर्जन गरेको कृषि सामग्रीहरु नष्ट गरिँदा कृषिउपज खेर जाने तथा भोलिका दिनमा फेरि आयातमै भर पर्नुपर्ने भएकाले बेलैमा यस्ता कार्य रोक्न मन्त्रालयले आग्रह गरेको छ । भोलिका दिनमा यस्ता गतिविधि नदोहोरियोस् भन्नेतर्फ सबै निकायलाई बेलैमा ध्यान दिन मन्त्रालयले अनुरोध गरेको छ ।

मन्त्रालयले यसअघि नै कृषि तथा पशुपन्छी उपजहरुको ढुवानी र विक्री वितरणका कामहरु सूचारु गर्न सम्बन्धित निकायलाई आफूहरुले आग्रह गरेको विषयलाई पनि पुनः स्मरण गराएको छ । विज्ञप्तिमा निर्वाध रुपमा कृषि उपज, तरकारी तथा पशुपन्छीजन्य बस्तुको नियमअनुसार विक्रीवितरण गराउन सबैलाई आग्रह समेत गरेको छ ।

कोरोना रोगको संक्रमण फैलने भन्दै स्थानीय जनप्रतिनिधिहरुकै संलग्नतामा कास्कीको पोखरालगायत देशका पश्चिमी क्षेत्रका केही स्थानमा किसानले उत्पादन गरेको तरकारीहरु खाल्डो खनेर गाडिएपछि सामाजिक सञ्जालमा त्यसको चर्को विरोध हुँदै आएको छ । चिकित्सकहरुले पनि राम्ररी धोइ पखाली गरी पकाएर खाने तरकारीमा कोरोना नसर्ने बताउँदै आएका छन् ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
चौतर्फी जनदवाव थेग्न नसकेपछि सरकारले फिर्ता लियो गुठी विधेयक
२०७६ असार ३ गते मंगलबार
१८ जुन,२०१९ काठमाडौं । अन्ततः चौतर्फी रुपमा देखिएको जनताको...
सन् २०२० को दशकलाई पर्यटन दशकको रुपमा विकास गर्ने सरकारको घोषणा
२०७६ पुष १६ गते बुधबार
०१ जनवरी, २०२० काठमाडौं । सरकारले सन् २०२० को...
अमेरिकामा व्यापक हिमपात : २ दर्जनको मृत्यु, लाखौ घरमा विद्युत् सेवा बन्द
२०७७ फाल्गुन ५ गते बुधबार
१७ फेब्रुअरी, २०२१न्यूर्योक, अमेरिका । अमेरिकाका झण्डै एक दर्जन...
अमेरिका छि-यो कोरोना भाईरस, एक अमेरिकी युवकमा कोरोनाको संक्रमण
२०७६ माघ ८ गते बुधबार
२२ जनवरी, २०२०वासिङ्गटन् । अमेरिकाको वासिङ्गटन राज्यमा एक अमेरिकी...
Top