भारतका चर्चित संगीतकर्मी वाजिद खानको कोरोनाका कारण निधन

Best Khabar Team | २०७७ जेठ १९ गते सोमबार

०१ जुन, २०२०
नयाँदिल्ली । बलिउडका चर्चित संगीतकर्मी वाजिद खानको गएराति निधन भएको छ । मृगौला रोगबाट पीडित खानको ४२ वर्षको उमेरमा गएराति मुम्बईस्थित अस्पतालमा निधन भएको भारतीय सञ्चारमाध्यमहरुले जनाएका छन् ।

मृगौलासम्बन्धी रोगबाट पीडित भएर केही सातादेखि अस्पतालमा उपचारमा रहेका बेला उनमा कोरोना संक्रमण समेत देखिएको भारतको चर्चित पत्रिका हिन्दुस्थान टाइम्सले जनाएको छ । बलिउडका दर्जनौं नायक नायिका तथा सिनेकर्मीहरु र उनका सुभेच्छुकहरुले उनको मृत्युको पुष्टि गर्दै उनलाई सामाजिक सञ्जालमार्फत् श्रद्धाञ्जली दिइरहेका छन् ।

पछिल्लो केहीदिनयता उनको स्वास्थ्य गम्भीर बन्दै गएपछि खानलाई मुम्बईको एउटा अस्पतालमा भ्येन्टिलेटरको सहयोगमा उपचार थालिएको थियो । तर गएराति अबेर उनको निधन भएको अस्पतालले पुष्टि गरेको छ । बलिउड सुपरस्टार सलमान खानको दवाङ् नामक चलचित्रमा संगीत भरेका उनको चर्चा त्यसपछि चर्चा ह्वात्तै बढेको थियो ।

Comment from facebook