रसुवामा टाटासुमो दुर्घटना, २ को ज्यान गयो, ३ वेपत्ता

Best Khabar Team | २०७५ फाल्गुन २२ गते बुधबार

०३ जुन, २०१९
काठमाडौं । प्रदेशनम्बर ३ मा पर्ने रसुवामा आज साँझ भएको टाटासुमो दुर्घटनामा २ जनाको ज्यान गएको छ । सो दुर्घटनामा परी ३ जना वेपत्ता भएको जिल्ला प्रहरी कार्यालयले जनाएको छ । पोखराबाट रिजर्भ गरेर रसुवाको गोल्जुङ्गका लागि अघि बढेको सो जिप आज साँझ रसुवाको मैलुङ–स्याफ्रुबेसी सडक खण्डमा दुर्घटनामा परेको हो ।

दुर्घटनामा २ जनाको घटनास्थलमै ज्यान गएको छ भने तीन जना बेपत्ता भएको प्रहरीले जनाएको छ । सडकबाट त्रिशुली नदिमा जीप खसेकोले वेपत्ता भएकाहरुको खोजी कार्यमा प्रहरी जुटेको छ । रातिको समम भएकोले उनीहरुको खोजी कार्य कठिन भएको प्रहरीको भनाई छ । बा १० च ५८२० नम्बरको टाटा सुमो कालिका गाउँपालिकाको गुम्चेतमा दुर्घटनामा परेलगत्तै स्थानीयबासी, नेपाली सेनालगायत उद्दारमा खटिएका छन् ।

दुर्घटनामा ज्यान गुमाउने तथा वेपत्ताहरुको सनाखत भै सकेको छैन । दुर्घटनाको कारण पनि खुल्न सकेको छैन ।