देशभर कोरोना संक्रमितको संख्या ४५ पुग्यो

Best Khabar Team | २०७७ बैशाख १० गते बुधबार

२२ अप्रिल, २०२०
काठमाडौं । नेपालमा कोरोना संक्रमितको संख्या ४५ पुगेको छ । आज उदयपुरमा थप ३ जनामा कोरोना संक्रमण पुष्टि भएसँगै संक्रमितको संख्या ४५ पुगेको हो । आज उदउपुरको त्रियुगा नगरपालिकामा रहेका नुरी मस्जीद आसपासको बस्तीमा बस्दै आएका थप ३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

आज संक्रमित भएका ३ जना पुरुष रहेका छन् । उनीहरुमा एकजना ७२ वर्षका, एकजना ६० वर्षका र अर्का २४ वर्षका युवक रहेका छन् । यसअघि सोही मस्जिदमा रहेका १३ जनामा कोरोना संक्रमण भएर हाल विराटनगरमा उपचाररत छन । स्वाब परीक्षणका क्रममा उनीहरुमा कोरोना संक्रमण देखिएको स्वास्थ्य मन्त्रालयले जनाएको छ । यसअघि ४३ जनामा कोरोना संक्रमण भएको भएपनि आज थप ३ जना थपिएसँगै नेपालमा कोरोना संक्रमितको संख्या ४५ पुगेको हो ।

यी मध्ये ११ जना भारतीय नागरिक रहेका छन् । संक्रमित मध्ये ७ जना निको भएर घर फर्केका छन् । आजमात्रै सुदुरपश्चिममा १ र काठमाडौंमा एकजना कोरोना संक्रमणलाई जित्दै अस्पतालबाट डिस्चार्ज भएका छन् ।

Comment from facebook