‘नयाँ नक्सा’ सार्वजनिक, अब नेपालको कुल क्षेत्रफल १,४७,५१६ वर्ग किलोमिटर

Best Khabar Team | २०२६ पुष १७ गते बिहिबार


२० मे, २०२०
काठमाडौं । सरकारले विगतमा भारतले अतिक्रमित गरेको भूमिलाई समेत समावेश गरेर नयाँ राजनीतिक तथा प्रशासनिक नक्सा सार्वजनिक गरेको छ । भूमिव्यवस्था मन्त्री पद्मा अर्यालले आज पत्रकार सम्मेनमार्फत् नेपालको नयाँ नक्सा सार्वजनिक गरेकी हुन् । नयाँ नक्सामा विगतमा नेपालको भूमि भएपनि भारतले कब्जा गरेर संरचना बनाएको तथा उनीहरुको देशको नक्सामा राखेको नेपाली भूमि लिपुलेक, लिम्पियाधुरा तथा कालापानीजस्ता भूभागलाई समेटिएको छ ।

यसअघि केहीदिन अघि राष्ट्रपति विद्यादेवी भण्डारीले संसदमा सरकारको नीति तथा कार्यक्रम सार्वजनिक गर्दै भारतले अतिक्रमण गरेको नेपाली भूमि समावेश गरेर नयाँ नक्सा सार्वजनिक गर्ने बताएकी थिइन् । यस्तै ३ दिनअघि बसेको मन्त्रीपरिषद्को बैठकले नयाँ नक्सा सार्वजनिक गर्ने निर्णय गरेको थियो ।

नयाँ नक्सा सार्वजनिक गर्दै मन्त्री अर्याल ।

सरकारको यो निर्णयलगत्तै मन्त्री अर्यालले आज नेपालको नयाँ नक्सा सार्वजनिक गरेकी हुन् । नयाँ सार्वजनिक गरिएको नक्सा आजैको मितिबाट प्रचलनमा ल्याइने मन्त्री अर्यालले बताइन् । विगतमा सो क्षेत्रमा रहेको लिम्पियाधुरादेखी गुन्जी, नाभी र कुटीलगायतका क्षेत्रहरु नेपालको नक्सामा समावेश गरिएको मन्त्री अर्यालको भनाई छ ।

यो विषयमा भारतसरकारसँग पनि सौहार्दपूर्णरुपमा छलफल गर्ने उनले बताइन् । थप भूभाग समावेश गरेर नयाँ नक्सा सार्वजनिक गरिएपछि नेपालको कुल क्षेत्रफल १ लाख ४७ हजार ५ सय १६ वर्ग किलोमिटर हुने भएको छ ।

केहीदिनअघि भारतले सो क्षेत्रमा एकलौटी रुपमा खनेको बाटो उद्घाटन गरेपछि त्यसको चौतर्फी विरोध हुँदै आएको थियो । त्यसपछि सरकारले यो निर्णय गरेको हो । सरकारको यो निर्णयलाई सबै नेपाली जनताले साथ र समर्थन गरेका छन् ।



Comment from facebook



थप खबर पढ्नुहोस्
झण्डै ४ महिनादेखि वेपत्ता नेपालका लागि पूर्व बेलायती राजदूतको शव भेटियो झण्डै ४ महिनादेखि वेपत्ता नेपालका लागि पूर्व बेलायती राजदूतको शव भेटियो

२०२६ पुष १७ गते बिहिबार

३१ अगस्ट, २०२०वेस्टह्याम, बेलायत । गत मे ७ (बैशाख...

पछिल्लो २४ घण्टाको कोरोना तथ्यांक : २९०९ जना नयाँ संक्रमित थपिए, १८ को मृत्य, ४५ सय बढी कोरोना मुक्त पछिल्लो २४ घण्टाको कोरोना तथ्यांक : २९०९ जना नयाँ संक्रमित थपिए, १८ को मृत्य, ४५ सय बढी कोरोना मुक्त

२०७७ जेठ २९ गते बिहिबार

०६ नोभेम्बर, २०२०काठमाडौं । पछिल्लो २४ घण्टामा देशका विभिन्न...

अबैध आप्रबासी लिएर इटली जाँदै गरेको पानीजहाज ट्युनिसियामा दुर्घटना, ४६ को मृत्यु, मृतक अधिकांश महिला अबैध आप्रबासी लिएर इटली जाँदै गरेको पानीजहाज ट्युनिसियामा दुर्घटना, ४६ को मृत्यु, मृतक अधिकांश महिला

२०७७ कार्तिक २१ गते शुक्रबार

११ जुन, २०२०टुनिस, ट्युनिसिया । अफ्रिकी मुलुक ट्युनिसियाबाट अबैध...

चितवनका दुबै संक्रमितले जिते कोरोना, ६३ वर्षकी महिला आज डिस्चार्ज चितवनका दुबै संक्रमितले जिते कोरोना, ६३ वर्षकी महिला आज डिस्चार्ज

२०२६ पुष १७ गते बिहिबार

१३ मे, २०२०भरतपुर । करिब १ महिनाअघि कोरोना संक्रमण...

Top