९ महिनापछि मनकामना मन्दिर खुल्दै, मन्दिर भित्रै पसेर दर्शन गर्न भने तत्काल नपाईने

Best Khabar Team | २०७७ श्रावण २८ गते बुधबार


०८ डिसेम्बर, २०२०
कुरिनटार, गोरखा । गत चैत्र महिनादेखि कोरोना भाइरसको संक्रमणलाई मध्यनजर गर्दै सरकारले घोषणा गरेको लकडाउनसँगै बन्द गरिएको प्रसिद्ध धार्मिकस्थल गोरखाको मनकामना मन्दिर सर्वसाधारणको लागि खुल्ला गरिने भएको छ । मनकामना मन्दिर क्षेत्र विकास कोषले आगामी मंसीर २८ गतेदेखि सर्वसाधारणका लागि निश्चित सुरक्षा मापदण्ड पुरा गरी मन्दिर दर्शनको व्यवस्था गर्न लागेको जनाएको छ ।

मनकामनाको मन्दिर खोल्ने निर्णयसँगै केवलकार पनि सञ्चालनमा आउने भएको छ । कोरोनाका कारण गएको चैत्र महिनादेखि केवलकारपनि सञ्चालनमा आउन सकेको थिएन । जसका कारण त्यस क्षेत्रका स्थानीय वासिन्दा तथा व्यवसायीहरु निक्कै समस्यामा परेका थिए । मन्दिरमा दर्शनार्थी र त्यस क्षेत्रमा पर्यटक नआउँदा व्यवसायीहरु अप्ठेरोमा परेका थिए ।

मन्दिर क्षेत्र विकास कोषले स्थानीय सरोकारवालाहरुसँगको सल्लाह पछि मन्दिर र केवलकार सर्वसाधारणको लागि खुल्ला गर्ने निर्णय गरेको हो । मन्दिर प्रवेश गर्नका लागि अनिवार्य रुपमा माक्स लगाउनुपर्ने, सामाजिक दुरी (लाईनमा बस्दा कम्तीमा ३ फिटको दुरी कायम गर्नुपर्ने) कायम गर्नुपर्ने तथा स्यानीटाइजरको व्यवस्था गरिएको छ । यस्तै मन्दिरमा केवलकारमार्फत् आउने यात्रुहरुको थर्मल गनबाट शरिरको तापक्रम नाप्ने व्यवस्था गर्न लागिएको छ ।

केवलकारमा पनि एकपटकमा ३ जनामात्रै यात्रु राखेर यात्रा गराउने तयारी भएको छ । यसअघि केवलकारमा एक पटकमा ६ जना यात्रुहरुलाई राखेर यात्रा गराईने गरिएको थियो । मन्दिर व्यवस्थापन समितिले दिएको जानकारी अनुसार धार्मिक स्थल सञ्चालन सम्बन्धी स्वास्थ्य सुरक्षा मापदण्ड २०७७ लाई आधार बनाएर नयाँ कार्यविधिसहित मन्दिर र केवलकार सञ्चालन गर्न खोजिएको हो ।

मन्दिर सर्वसाधारणको लागि खुल्ला गरिएपनि विगतमा झै मन्दिर भित्र प्रवेश गरेर मनकामना माइको प्रतिमा (मूर्ति)लाई पुजा आराधना गर्न भने तत्काल नपाइने समितिले जनाएको छ । यद्यपि मन्दिरमा चढाउन लगिने फूल प्रसाद भने लैजान पाइने र पुजारी तथा अन्य सहयोगीले त्यसलाई मन्दिर भित्र लगेर चढाईदिने व्यवस्था गरिएको छ । यस्तै तत्कालका लागि पशुपन्छीको बलि चढाउने कार्य पनि मनकामना मन्दिरमा निषेध गरिएको छ ।



Comment from facebook



थप खबर पढ्नुहोस्
बेलायती प्रधानमन्त्री बोरिसको अवस्था जटिल बनेपछि  आइसियुमा उपचार हुँदै बेलायती प्रधानमन्त्री बोरिसको अवस्था जटिल बनेपछि आइसियुमा उपचार हुँदै

२०७७ जेठ २२ गते बिहिबार

०६ मार्च, २०२० लण्डन । कोरोना भाइरसको संक्रमणपछि घरमै...

पोर्चुगलका चिकित्सकको मर्मस्पर्शी भिडियो, जसले भाबुक तुल्याउँछ (भिडियोसहित) पोर्चुगलका चिकित्सकको मर्मस्पर्शी भिडियो, जसले भाबुक तुल्याउँछ (भिडियोसहित)

२०२६ पुष १७ गते बिहिबार

२५ अप्रिल, २०२०पोर्तिमाउ । विश्वभर कोरोनाको महामारी चलिरहँदा यसको...

बझाङ्गमा भीषण पहिरो : १८ घर बगायो, ७ वेपत्ता, २ जनाको शव भेटियो बझाङ्गमा भीषण पहिरो : १८ घर बगायो, ७ वेपत्ता, २ जनाको शव भेटियो

२०७६ चैत्र २५ गते मंगलबार

०४ जुलाई, २०२० चैनपुर, बझाङ्ग । गएराति परेको अविरल...

चीनमा रहेका कुनै नेपालीमा कोरोना संक्रमण छैन : चिनियाँ दूतावास चीनमा रहेका कुनै नेपालीमा कोरोना संक्रमण छैन : चिनियाँ दूतावास

२०७६ चैत्र २० गते बिहिबार

०४ फेब्रुअरी, २०२० । काठमाडौं । नेपालस्थित चिनियाँ दुतावासले...

Top