कोरोना संक्रमित १४ सय नाघे, एकैदिन १८९ नयाँ थपिए, २१९ ले कोरोना जिते

Best Khabar Team | २०२६ पुष १७ गते बिहिबार

३० मे, २०२०
काठमाडौं । नेपालमा कोरोना संक्रमितको संख्या १४ सय नाघेको छ । स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न स्थानमा पछिल्लो २४ घण्टायता थप १ सय ८९ जनामा कोरोना संक्रमण देखिएको छ । मन्त्रालयले दिएको जानकारी अनुसार आज थप भएकामा कपिलवस्तुमा १ सय ९ जना, सर्लाहीमा १७ जना, दैलेखमा १४ जना, सिराहमा ११ जना, सप्तरीमा ९ जना, धनुषामा ७, रौतहटमा ६ जना रहेका छन् ।

यस्तै, दाङमा ५ जना, महोत्तरीमा ४ जना, पर्सामा २ जना, संखुवासभामा २ जना र झापामा थप एक जनामा कोरोना संक्रमण देखिएको छ । यता ललितपुर र बारा जिल्लामा पनि थप एक एक जनामा कोरोना संक्रमित भेटिएका छन् । योसँगै देशभर कोरोना संक्रमितको संख्या १हजार ४ सय १ पुगेको छ । संक्रमणमा परेकामध्ये २ सय १९ जनाको उपचार सफल भएको छ ।

यस्तै देशका विभिन्न भागमा ६ जना कोरोना संक्रमणमा परी मृत्युबरण गर्न पुगेका छन् । संक्रमित सबैको अवस्था सामान्य रहेको मन्त्रालयको भनाई छ ।