झापा, रौतहट, बाग्लुङ् र मकवानपुरमा थपिए कोरोना संक्रमित, संक्रमितको संख्या ८ सय नाघ्यो

Best Khabar Team | २०७७ जेठ १४ गते बुधबार


२७ मे, २०२०
काठमाडौं । देशका विभिन्न जिल्लामा आजपनि कोरोना संक्रमितहरु भेटिनेक्रम जारी छ । सम्बन्धित जिल्ला तथा क्षेत्रमा रहेको कोरोना परिक्षण केन्द्र तथा काठमाडौंको राष्ट्रिय प्रयोगशालामा गरिएको स्वाब परीक्षणका क्रममा थप संक्रमित भेटिएका हुन् । आज पूर्वी नेपालको झापा, रौतहट तथा बाग्लुङ्ग, र मकवानपुर जिल्लामा कोरोना संक्रमित भेटिएका हुन् । जिल्ला जनस्वास्थ्य कार्यालयले दिएको जानकारी अनुसार झापाका विभिन्न स्थानमा आज थप १७ जनामा कोरोना संक्रमण देखिएको छ । प्राप्त जानकारी अनुसार जिल्लाको गौरादह नरपालिकाका २ जना र बाँकी १५ जना कचनकवल गाउँपालिकाका स्थानीयबासिन्दा भएको बताइएको छ । कोशी अञ्चल अस्पतालमा गरिएको स्वाब परीक्षणका क्रममा उनीहरुमा कोरोना संक्रमण पुष्टि भएको बताइएको छ । यस्तै, केही समयअघि भारतबाट नेपाल प्रवेश गरेकाहरुमध्ये रौतहटका ३५ जनामा कोरोना संक्रमण देखिएको छ ।

सांकेतिक तस्वीर : बेस्टखबर ग्राफिक्स

रौतहटको चपुर नगरपालिकामा ७ जना, गौर नगरपालिकामामा ८ जना, ईशनाथ नगरपालिकामा १६ जना, देवाहीगोनाही नगरपालिकामा २, र कटहरिया नगरपालिकामा २ जनामा कोरोना संक्रमण देखिएको जिल्ला जनस्वास्थ्य कार्यालयले जानकारी दिएको छ । रोजगारीका लागि छिमेकी मुलुक भारत गएको र लकडाउनकै बीच भएको उद्दारपछि उनीहरु भारतबाट नेपाल आएको सम्बन्धित नगरपालिकाले जानकारी दिएको छ । उनीहरु हाल स्थानीय क्वारेन्टाइनमा बस्दै आएका थिए । संक्रमितहरुलाई स्थानीय अस्पतालको आइसोलेसनमा राखेर उपचार थालिएको छ । उनीहरु सबैको अवस्था सामान्य रहेको बताइएको छ । यस्तै बारामा ८ र सिराहमा २ जनामा पनि कोरोना देखिएको छ ।

यता बाग्लुङ् जिल्लामा हालै भारतबाट फर्केका ८ जना युवकमा कोरोना संक्रमण देखिएको छ । जिल्लाको बडिगाड र तमानखोलाका ८ जना युवकमा कोरोना संक्रमण देखिएको जिल्ला जनस्वास्थ्य कार्यलयको भनाई छ । उनीहरु हालै भारतबाट नेपाल फर्केका युवाहरु रहेको बताइएको छ । उनीहरुलाई अहिले बाग्लुङ्गको सदरमुकाममा रहेको धौलागिरी अञ्चल अस्पतालको आइसोलेसनमा राखेर उपचार थालिएको छ । यस्तै आजै हेटौडामा एक महिलामा पनि कोरोना संक्रमण भेटिएको छ । उनी केही समयअघि चितवनबाट हेटौंडा गएको खुलेको छ । संक्रमितमध्ये सबैको अवस्था सामान्य रहेको बताइएको छ । नेपालमा हालसम्म कोरोनाका कारण ४ जनाको ज्यान गएको छ भने ८ सय १० जनामा संक्रमण देखिएको छ । यस्तै १ सय ७५ जना उपचारपछि घर फर्केका छन् ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

एकै टोलका  १५ जनामा कोरोना संक्रमण एकै टोलका १५ जनामा कोरोना संक्रमण

२०७७ बैशाख २१ गते आइतबार

०३ मे, २०२०नेपालगञ्ज । नेपालमा पहिलोपटक एकैदिन एकै जिल्लाको...

टेक्सासको चर्चमा प्रार्थना चलिरहँदा बन्दुक आक्रमण, २ मारिए (भिडियोसहित) टेक्सासको चर्चमा प्रार्थना चलिरहँदा बन्दुक आक्रमण, २ मारिए (भिडियोसहित)

२०७६ पुष १४ गते सोमबार

३० डिसेम्बर, २०१९टेक्सास । अमेरिकाको टेक्सासमा क्रिश्चियन धर्मावलम्बीहरु भेला...

प्रवासी संगठनको कार्यक्रममा सहभागी हुन काँग्रेसको जम्बो टोली युरोप आउँदै प्रवासी संगठनको कार्यक्रममा सहभागी हुन काँग्रेसको जम्बो टोली युरोप आउँदै

२०७६ जेठ २० गते सोमबार

०३ जुलाई, २०१९ कोपनहेगन । नेपाली काँग्रेसको प्रवासी संगठन...

सन् २०२० को दशकलाई पर्यटन दशकको रुपमा विकास गर्ने सरकारको घोषणा सन् २०२० को दशकलाई पर्यटन दशकको रुपमा विकास गर्ने सरकारको घोषणा

२०७६ पुष १६ गते बुधबार

०१ जनवरी, २०२० काठमाडौं । सरकारले सन् २०२० को...

Top