टीकापुर हत्याकाण्डका मुख्य नाईकेको खुट्टामा फलामे सिक्री देखेपछि प्रधानमन्त्री रुष्ट..

Best Khabar Team | २०२६ पुष १७ गते बिहिबार

२२ जुन, २०१९
काठमाडौं । एक नाबालक सहित ९ जनाको निर्मम हत्याहुने गरी २०७२ सालमा कैलालीमा भएको हत्याकाण्डका मुख्य आरोपी रेशम चौधरीको खुट्टामा फलामे सिक्रीले बाँधेको देखेपछि प्रधानमन्त्री केपी शर्मा ओलीले सरोकारवाला निकायलाई कडा निर्देशन दिएका छन् । प्रधानमन्त्री ओलीले वीर अस्पतालमा उपचारार्थ भर्ना भएका चौधरीको खुट्टामा फलामको सिक्रीले बाँधेको तस्वीर सार्वजनिक भएपछि तत्काल चौधरीलाई सिक्री मुक्त बनाएर उपचार गराउन दिर्नेशन दिनुभएको हो ।

कैलाली हत्याकाण्डका मुख्य आरोपी चौधरीलाई केही समयअघि जिल्ला अदालतले जन्मकैदको सजायाँ सुनाएपछि उनी हाल डिल्लीबजार कारागारमा जेल जीवन विताईरहेका छन् । उनी राजपाका निलम्बित सांसद समेत हुन् । प्रधानमन्त्री ओलीले मुख्यसचिव लोकदर्शन रेग्मीलाई आज फोन गरी नेल फुकाउन निर्देशन दिनुभएको प्रधानमन्त्री कार्यालयले जानकारी दिएको छ । प्रधानमन्त्रल्ेि नेल लगाउन निर्देशन दिने सम्बन्धित व्यक्तिलाई समेत कारबाही गर्न निर्देशन दिएका हुन् ।

फोक्सो र ढाडमा समस्या देखिएपछि चौधरीलाई केहीदिन अस्पतालमै राखेर उपचार गर्नुपर्ने चिकित्सकहरुले भनाई छ । हाल उनी हतियारधारी प्रहरीको निगरामीमा अस्प्तालमा उपचाररथ छन् । टीकापुर घटनापछि भारतमा लुक्दै आएका चौधरी २०७४ मंसिरमा भएको प्रतिनिधिसभा चुनावमा कैलाली–१ बाट सांसद निर्वाचित समेत भएको थियो ।

२०७२ भदौ ७ गते कैलालीको टीकापुरमा भएको प्रदर्शनका क्रममा एसएसपी र नाबालकसहित नौ जनाको हत्या भएको घटनाको मुख्य आरोपी चौधरीलाई जिल्ला अदालत कैलालीले जन्मकैदको फैसला सुनाएको थियो ।