Best Khabar Team | २०२६ पुष १७ गते बिहिबार
२२ मे, २०२०
इस्लामावाद । पाकिस्तानमा आज एउटा यात्रुबाहक विमान अवतरणको क्रममा बस्तीमा खस्दा विमानमा सवार ११ जनाको ज्यान गएको छ । सो विमानमा सवार चालक दलका ८ सदस्यसहित बाँकी ८८ जनामध्ये धेरैको अवस्था गम्भीर रहेको अन्र्तराष्ट्रिय सञ्चारमाध्यमहरुले जानकारी दएका छन् । पाकिस्तानको राष्ट्रिय ध्वजाबाहक पाकिस्तान अन्र्तराष्ट्रिय एयरलाईन्स (पिआइए) को सो विमान कराँचीको जिन्नाह विमानस्थलमा अवतरण हुन केही सेकेन्ड बाँकी हुँदा दुर्घटनामा परेको बताइएको छ ।
विमानमा चालकदलका ८ जना सदस्यसहित ९९ जना सवार रहेको अधिकारीहरुले बताएका छन् । इस्लामाबादबाट कराँचीका लागि चार्टर उडान भरेको सो विमान अवतरण गर्ने क्रममा दुबै इन्जिन फेल भएर स्थानीय एक बस्तीमा खसेको पाकिस्तानका समाचारमाध्यमहरुले जनाएका छन् । कोरोनाको संक्रमणकै बीच रुसको मस्कटबाट आएका घरेलु यात्रुहरुलाई लिएर सो विमान कराँची आउँदै थियो ।
कोरोनाको संक्रमणमा रहेकाहरुको लागि चार्टर उडान भरेको सो विमान कराँचीबाट दक्षिण भागमा रहेको घनाबस्तीको रुपमा परिचित मोर्डन कोलोनीमा खसेको थियो । विमान खसेलगत्तै भएको आगलागीमा परेर सबैको शरीरका भागहरु जलेको छ । स्थानीय समय अनुसार दिउँसो २ बजेर ४० मिनेट जाँदा सो विमान दुर्घटनामा परेको बताइएको छ ।
विमानका चालकले विमान कन्टोल रुमलाई अन्तिम पटक विमानको दुबै इन्जिनले काम नगरेकोले विमानलाई आपतकालिन रुपमा अवतरण गर्नका लागि अनुमति मागेको अडियोहरु सार्वजनिक भएको छ । विमान बस्तीमा खसेपछि त्यस क्षेत्रमा रहेका केही घरहरुमा समेत आगो लागेको थियो ।
विमान दुर्घटना भएलगत्तै विमानस्थललगायत अन्य क्षेत्रमा रहेका दर्जनौ बारुणयन्त्रले विमानमा लागेको आगो निभाएका थिए । घाइतेहरुलाई कराँचीका विभिन्न अस्पतालमा उपचारर्थ भर्ना गरिएको छ ।
२०२६ पुष १७ गते बिहिबार
१५ जुलाई, २०२०काठमाडौं । नेपालमा पछिल्ला केहीदिनयता कोरोना संक्रमितको...
२०२६ पुष १७ गते बिहिबार
२३ फेब्रुअरी, २०२०सोल । दक्षिण कोरियामा पछिल्लो केहीदिनयता तीव्र...
२०२६ पुष १७ गते बिहिबार
२८ मे, २०२०सन्धिखर्क । गत जेठ १० गते भारतबाट...
२०२६ पुष १७ गते बिहिबार
– पि.एल. तरंग/ विश्वव्यापी रुपमा महामारीको रुपमा फैलिएको कोरोना...
Top