पोखरामा ७२ जना सवार यात्रुबाहक विमान दुर्घटना, विस्तृत विवरण आउन बाँकी

Best Khabar Team | २०७९ माघ १ गते आइतबार

१५ जनवरी, २०२३
चिप्लेढुंगा, पोखरा । निजी बायुसेवा निगम एति एयरलाइन्सको एटिआर–७२ विमान आज बिहान पोखराको नयाँगाउँमा दुर्घटनामा परेको छ । दुर्घटनाग्रस्त विमान काठमाडौंबाट पोखराका लागि उडेको र पोखरा विमानस्थलमा अवतरण पूर्व दुर्घटनामा परेको बताइएको छ । यति एयरलाइन्सका वरिष्ठ क्याप्टेन कमल केसीले उडाएको सो विमानमा चालक दलका ४ जना सहित कुल ७२ जना यात्रु रहेको बताइएको छ ।

आज बिहान साढे १० बजे काठमाडौंबाट पोखराका लागि उडेको विमानमा ३ जना नाबालक तथा ३ जना बालबालिकासमेत रहेको बताइएको छ । दुर्घटनास्थलमा अहिले विभिन्न सुरक्षा निकाय तथा स्थानीयबासिलगायतको उद्दार टोलीले उद्दार कार्य जारी रहेको छ । दुर्घटनाग्रस्त विमानमा आगो लागेको र दुर्घटनामा घाइते भएर जलेको अवस्थामा रहेकाको उद्दार कार्य भै रहेको घटनास्थलबाट नरेश गिरिले सामाजिक सञ्जालमार्फत् जानकारी दिएका छन् ।

पोखराको नयाँ तथा पुरानो विमानस्थलको बीचमा रहेको सेती नदीको किनारमा दुर्घटनास्थल पर्दछ। दुर्घटनापछि विमानमा आगो लागेकोले अहिले विमानमा लागेको आगो निभाउने काम भै रहेको प्रहरीले जनाएको छ ।

Comment from facebook