काठमाडौंको पुर्ननिर्मित पाँच सम्पदामा राष्ट्रपति पुग्दा (फोटोफिचर)

Best Khabar Team | २०७६ माघ २५ गते शनिबार

०८ फेब्रुअरी, २०२०
काठमाडौं । राष्ट्रपति विद्यादेवी भण्डारीले पुनर्निर्माण भइरहेका काठमाडौंका विभिन्न सम्पदा स्थलको अवलोकन गरेकी छन् । आज बिहान शनिबार बिहान पुनर्निर्माण भइरहेका काठमाडौंको ५ वटा सम्पदामा पुगेर राष्ट्रपति भण्डारीले कामको प्रगतिको बारेमा जानकारी लिएकी हुन् ।

त्यसक्रममा राष्ट्रपति भण्डारीले काठमाडौंको रानीपोखरी, दरबार हाइस्कुल, सुन्धरास्थित धरहरा, बसन्तपुर क्षेत्रमा रहेको काष्ठमण्डप र नौतले दरबारको अवलोकन गरेकी हुन् । २०७२ बैशाखको भूकम्पबाट क्षतिग्रस्त भएका यी सम्पदाहरुको पुनर्निर्माण अवस्था अवलोकन र प्रगतिको बारेमा जानकारी लिएपछि राष्ट्रपति भण्डारीले पुनर्निर्माणको पछिल्लो अवस्थाबाट आफू उत्साहित भएको प्रतिक्रिया दिएको राष्ट्रिय पुनर्निर्माण प्राधिकरणले जनाएको छ ।

त्यस क्रममा उनले प्राधिकरणका प्रमुख कार्यकारी अधिकृत सुशील ज्ञवालीसँग कार्यप्रगतिको बारेमा जानकारी लिएकी थिइन् । जवाफमा ज्ञवालीले आफूहरुले कार्यतलिका नै बनाएर काम अघि बढाएको भन्दै निर्धारित समयभित्रै सबै काम सम्पन्न हुने प्रतिबद्धता जनाएका थिए ।

तस्वीर सौजन्य : राष्ट्रिय पुर्ननिर्माण प्राधिकरण

Comment from facebook