जसले पूखौंदेखि भक्तपुरे जुजु धौं बनाउने पेशा अँगाले

Best Khabar Team | २०७६ पुष ७ गते सोमबार

तपाईँ दहीको पारखी हुनुहुन्छ ? वा तपाईँको परिवारका कोही सदस्यलाई दही औधी मन पर्दछ ? तपाईँले उत्पयकाको भक्तपुरमा उत्पादित जुजु धौं खानुभएको छ ? दहीहरुको राजाको रुपमा परिचित काठमाडौंको जुजु धौं बनाउनेहरुलाई यतिबेला भ्याई नभ्याई छ ।

विशेष गरी चाडपर्व र विवाह ब्रतबन्धको लगनकाका बेला उनीहरुलाई दहि बनाउने चटारोले छुन्छ । मेहनत अनुसारको कमाई पनि भएकाले उनीहरु खुसी छन् । भक्तपुरको व्यासी, सुकुलढोका, मूलढोका, ठिमीलगायतका क्षेत्रका दर्जनौं व्यवसायीहरु दही बनाएर आफू र आफ्नो परिवारको गुजारा चलाईरहेका छन् ।

कतिपयले पुर्खौदेखिको यो पेशालाई आफ्नो दैनिकीको रुपमा अगाडि बनाईरहेका छन् । सुकुलढोकाकी मनमाया धौल भन्नुहुन्छ –“मेरो जीवन दही जस्तै गुलियो छ , ३० वर्षदेखि परिवारको सदस्यसहित जुजु धौ बनाउदै आएको छु । दैनिक खर्च कटाएर महिनामा ४०देखि ६० हजारसम्म बचत गर्दै आएको छु ।

छोरा छोरी राम्रो क्याम्पसमा पढ्छन् ।’ मनमायाजस्तै, नरबहादुर लाखें, रमेश छाःस, दनबीर यशःलगायतपनि यो पेशामा निक्कै खुसी छन् । यद्यपि दहिका लागि चाहिने दुःध संकलन विस्तारै कम हुन थालेपछि भने उनीहरु चिन्नित बनेका छन् ।

तर पुस्तौदेखिको यो पेशालाई निरन्तरता दिन पाउँदा र पछिला वर्षहरुमा दहिको खपत बढ्दै गएकोमा भने उनीहरु आफ्नो पेशा तत्काल संकटमा नपर्नेमा ढुंक्क छन् ।