Best Khabar Team | २०७७ भाद्र २२ गते सोमबार
०९ जुलाई, २०२०
काठमाडौं । सरकारले काठमाडौं उपत्यकालगायत देशभर जिल्लाभित्र सञ्चालन हुने सार्वजनिक सवारी साधनहरुलाई सञ्चालन गर्न अनुमति दिएको छ । कोरोना भाइरसको संक्रमणलाई मध्यनजर गर्दै गएको चैत्र ५ गतेदेखिको लकडाउनका कारण बन्द रहेका सार्वजनिक सवारी साधनहरुलाई यात्रु क्षमताको ५० प्रतिशत मात्रै यात्रु राखेर सञ्चालन गर्न दिने निर्णय सरकारले गरेको हो ।
नेपाल सरकार मन्त्रीपरिषद्को आज बसेको बैठकले एउटै जिल्लाभित्र सञ्चालन हुने सार्वजनिक गाडीहरुलाई सञ्चालन गर्न दिने निर्णय गरेको हो । तर यसरी सञ्चालन हुने गाडीहरुले यात्रु क्षमताको ५० प्रतिशत मात्रै यात्रुहरु बोक्न पाउनेछन् । त्यसका लागि यात्रुहरुबाट उनीहरुले विगतको भाडा भन्दा ५० प्रतिशतसम्म बढी भाडा लिन पाउने गरी अनुमति प्रदान गरिएको छ । यद्यपि लामो दुरीका सवारी साधन सञ्चालनका लागि भने तत्काल अनुमति प्रदान नगरिएको सरकारका प्रवक्ता युवराज खतिवडाले जानकारी दिए । बस चलाउँदा यात्रु र बसका कर्मचारीले माक्स अनिवार्य लगाउनुपर्ने व्यवस्था गरिएको छ भने चालक र सहचालकलाई पञ्जा अनिवार्य गरिएको छ ।
यस्तै सरकारले भाडाका ट्रक्यासीलाई भने बढीमा २ जना यात्रु राख्न दिने गरी सञ्चालनको अनुमति प्रदान गरिएको सरकारका प्रवक्ताले जानकारी दिएका छन् । काठमाडौं उपत्यकाको हकमा भने तीनवटै जिल्लाभित्र एकबाट अर्को जिल्लामा जानको लागि सार्वजनिक सवारी साधन तथा ट्याक्सीहरुलाई अनुमति प्रदान गरिएको छ ।
२०२६ पुष १७ गते बिहिबार
१७ डिसेम्बर, २०१९काठमाडौं । मुलुकमा २० लाख पर्यटक भित्र्या-उने...
२०२६ पुष १७ गते बिहिबार
२९ डिसेम्बर, २०१९काठमाडौं । राष्ट्रिय पुनर्निर्माण प्राधिकरण, कार्यकारी समितिको...
२०२६ पुष १७ गते बिहिबार
२४ जुलाई, २०२०बेइजिङ्ग, चीन । शुक्रबार मध्यरातसम्म अमेरिकाको टेक्सासस्थित...
२०२६ पुष १७ गते बिहिबार
२६ डिसेम्बर, २०१९ काठमाडौं । सामान्यतयाः एकजना व्यक्तिले कतिवटा...
Top