वीरगञ्जमा २ महिनाको नाबालकसहित थप १७ जनामा कोरोना, संक्रमितको संख्या ९९ पुग्यो

Best Khabar Team | २०७७ बैशाख २४ गते बुधबार

०६ मे, २०२०
वीरगञ्ज । पर्साको वीरगञ्जमा थप १७ जनामा कोरोना संक्रमण देखिएको छ । नारायणी उपक्षेत्रीय अस्पतालमा गरिएको परीक्षणका क्रममा एक २ महिनाका नाबालकसहित १७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो सँगै नेपालमा कोरोना संक्रमितको संख्या ९९ पुगेको छ । यस्तै संक्रमितमध्ये ३ जना उपचारपछि घर फर्केको भएपनि उनीहरुमा फेरि कोरोना संक्रमण देखिएको छ । ३ मध्ये २ वीरगञ्ज र १ काठमाडौंका छन् ।

वीरगञ्जमा आज थपिएका संक्रमितमा १० जना पुरुष (एकजना नाबालक शिशु) र ७ जना महिला रहेका छन् । कोरोना संक्रमितहरुको हाल नारायणी उपक्षेत्रीय अस्पतालको आइसोलेसन वार्डमा उपचार भै रहेको छ ।

Comment from facebook