आइतबार बिहान एक घण्टा १८ मिनेको खण्डग्रास चन्द्रग्रहण लाग्दै

Best Khabar Team | २०२६ पुष १७ गते बिहिबार

२८ अक्टोबर, २०२३
काठमाडौं । आज राति १ बजे खण्डग्रास चन्द्रगहण लाग्दैछ । नेपाली समय अनुसार शनिबार राति (आइतबार बिहान १ बजेर २० मिनेटमा) शुरुहुने खण्डग्रास चन्द्रग्रहण काठमाडौं उपत्यकालगायत देशैभरबाट हेर्न सकिनेछ । यद्यपि केही जिल्लाको मौसम भने बदलिहुने अनुमान गरिएको भएपनि उपत्यकालगायत देशभरबाटै मध्यरातमा लग्ने चन्द्रग्रहण सजिलै देख्न सकिन्छ ।

यसपटकको चन्द्रग्रहण खण्डग्रास भएकाले बिहान २ बजेको आसपासमा आकाशमा हेर्दा चन्द्रमाको केही भागमा मात्रै छायाँ देखिने छ । आइतबार बिहान १ बजेर २० मिनेटमा शुरुहुने चन्द्रग्रहण २ बजेर ३८ मिनेटमा समापन हुनेछ । यसपटकको ग्रहण युरोप, एसिया, अष्टेलिया, अमेरिकालगायतका क्षेत्रबाट पनि सहजै देख्न सकिने विपी कोइराला प्लानेटोरियम अब्जरभेटरी तथा विज्ञान संग्रहालयले जनाएको छ । पृथ्वी र चन्द्रमाले क्रमश सूर्य र पृथ्वीलाई परिक्रमा गर्ने क्रममा पृथ्वीको छायाँ चन्द्रमामा पर्नु नै चन्द्र ग्रहण हो । पृथ्वी, चन्द्रमा र सूर्य एउटै सरल रेखामा पर्ने क्रममा कहिलेकाँही मात्रै ग्रहण अर्थात् पृथ्वीको छायाँ चन्द्रमा पर्दछ।

ज्योतिषशास्त्रीहरुका अनुसार ग्रहण लाग्नु केहीघण्टा अघि नै यसको सुतक लाग्ने गर्दछ । सुतकको समयदेखि ग्रहण समाप्त नहुञ्जेलसम्मका लागि बालबालिका बृद्धबृद्धा, सुत्केरी तथा विरामीबाहेक अन्यले खाने, पिउनेलगायतका कार्य गर्न नहुने शास्त्रीय मान्यता रहेको छ । यस समयमा नकारात्मक उर्जा उत्पन्न हुने भएकाले विशेषत ग्रहणको बेलामा अन्नदान, जप, ध्यान, साधना, मन्त्र लिनेदिने लगायतका कर्म गर्दा यसले उत्तम फल दिने धर्मशास्त्रका ज्ञाता प्रा.डा रामचन्द्र गौतममले बेष्टखबरलाई जानकारी दिए ।

Comment from facebook