Best Khabar Team | २०७६ माघ १३ गते सोमबार
२७ जनवरी, २०२०
काठमाडौं । अभद्र व्यवहारसम्बन्धी कसुरमा पक्राउ पुर्जी जारी गरिएकी गायिका आस्था राउतले आज प्रहरी समक्ष ‘आत्मसमर्पण’ गरेकी छिन् । उनले आफन्तसहित आज बिहान महानगरीय प्रहरी कार्यालय टेकुमा पुगेर आत्मसमर्पण गरेकी हुन् । प्रहरी कार्यालय टेकुमा पुगेलगत्तै प्रहरीले उनलाई स्वास्थ्य परिक्षणको लागि काठमाडौंको वीर अस्पतालमा पु-याएको थियो ।
स्वास्थ्य जाँचपछि अस्पतालले उनको स्वास्थ्य सामान्य रहेको जनाएपछि उनलाई प्रहरीले हिरासतमा लिएर उनीमाथि परेको कसुरको विषयमा आवश्यक सोधपुछ गरिरहेको छ । गएको माघ १ गते काठमाडौंको त्रिभुवन विमानस्थलमा सुरक्षामा खटिएकी प्रहरीमाथि अभ्रद व्यवहार गरेको अभियोगमा उनीमाथि अभद्र व्यवहारसम्बन्धी कसुरमा मुद्दा दायर गरेको थियो ।
त्यसलगत्तै उनलाई माघ ५ गते जिल्ला प्रशासन कार्यालयले पक्राउ पूर्जी जारी गरेको थियो। डिउटीमा खटिएकी प्रहरी जवानले आफूमाथि गायिका आस्था राउतले अभद्र व्यवहार गरेको भन्दै उजुरी हालेकी थिइन् । उनमाथि अहिले प्रहरीले थप छानबिन गरिरहेको जनाएको छ । परिवारका सदस्यसहित प्रहरी कार्यालयमा हाजिर भएमा प्रहरीले उनलाई पक्राउ नगर्ने संकेत जनाएपछि उनले आज परिवारका सदस्यसहित प्रहरीमा पुगेर ‘आत्मसमर्पण’ गरेकी हुन् ।
उनले विमानस्थलमा गरेको व्यवहारको भिडियो सार्वजनिक भएपछि उनको चौतर्फी आलोचना भएको थियो । यो पनि पढ्नोस् ।
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
२०७७ जेठ २७ गते मंगलबार
०९ जुन, २०२०जितेगा, बुरुन्डी । मध्य अफ्रिकी राष्ट्र बुरुन्डीका...
२०७७ जेठ १९ गते सोमबार
०१ जुन, २०२०काठमाडौं । कोरोनाको बहानामा देशका विभिन्न जिल्लामा...
२०७६ मंशिर २३ गते सोमबार
पि.एल. तरंग / बेस्टखबर सामान्यतय कुनैपनि मन्दिरमा रहेका देवी...
२०७६ चैत्र २४ गते सोमबार
०६ मार्च, २०२० काठमाडौं । सरकारले कोरोना भाइरसको रोकथाम...
Top